अजय देवगणनं आतापर्यंत पाहिला नाही 'RRR' आणि 'गंगुबाई काठियावाडी', कारण वाचून व्हाल हैराण

Ajay Devgn Movie: अजय देवगणचा चित्रपट 'रनवे ३४' नुकताच प्रदर्शित झाला. यापूर्वी अजय 'गंगूबाई काठियावाडी' आणि 'आरआरआर'मध्ये दिसला होता.

बॉलिवूड अभिनेता अजय देवगण (Ajay Devgan) सध्या चर्चेत आला आहे. यापूर्वी त्यांचे अनेक चित्रपट बॅक टू बॅक रिलीज झाले आहेत. नुकताच त्याचा 'रनवे ३४' (Runway 34) हा चित्रपट प्रदर्शित झाला आहे. या चित्रपटात त्याच्यासोबत अमिताभ बच्चन आणि रकुल प्रीत सिंग मुख्य भूमिकेत आहेत. रनवे ३४ पूर्वी अजय देवगणचे गंगूबाई काठियावाडी (Gangubai Kathiawadi) आणि आरआरआर (RRR) या वर्षी रिलीज झाले होते. अजयने अद्याप हे दोन्ही चित्रपट पाहिलेले नाहीत. अजयने त्याचे चित्रपट न पाहण्यामागचे कारण नुकतेच सांगितले आहे.

अजय देवगण गंगूबाई काठियावाडी आणि आरआरआरमध्ये महत्त्वाच्या भूमिकेत झळकला आहे. या दोन्ही चित्रपटातील त्याच्या अभिनयाचे खूप कौतुक झाले आहे. त्यांनी गंगूबाई काठियावाडीमध्ये करीम लाला आणि आरआरआरमध्ये राम चरणच्या वडिलांची भूमिका केली होती. अजयने आता त्याचे दोन्ही चित्रपट पाहिले नसल्याचे नुकतेच एका मुलाखतीत सांगितले.

अजय देवगणने मॅशेबल इंडियाला दिलेल्या मुलाखतीत खुलासा केला आहे की, काही काळानंतर त्याला त्याचे चित्रपट पाहायला आवडत नाहीत. अजयने सांगितले की जेव्हा तो काम करतो तेव्हा त्याला समाधान मिळते. काही महिन्यांनंतर, जेव्हा तो त्याचा चित्रपट पाहतो तेव्हा त्याला वाटू लागते की आपण यापेक्षा चांगले काम करू शकलो असतो. जेव्हा अजयला विचारण्यात आले की त्याने शाहरुख खान आणि काजोलचा डीडीएलजे पाहिला नाही का, तेव्हा तो म्हणाला, मी हा चित्रपट पाहिला नाही, मी बरेच चित्रपट पाहत नाही. मी अजून आरआरआर आणि गंगुबाई काठियावाडी पाहिला नाही. मी माझे चित्रपट पाहत नाही. कधी-कधी असं होतं की रिलीजच्या वेळी तुम्ही कामात बिझी असता, मग तुम्हाला चित्रपट बघता येत नाही आणि नंतर तुम्ही तो वगळता.

अजय देवगण पुढे म्हणाला, मला घरी बसून ओटीटी प्लॅटफॉर्मवर चित्रपट बघायला आवडत नाही. मला वाटते की मी खूप वाईट काम केले आहे आणि मी हे पाहू नये.
अजय देवगणच्या 'रनवे ३४' या चित्रपटाविषयी सांगायचे तर, हा सत्य घटनांवर आधारित चित्रपट आहे. या चित्रपटात अजय देवगणने कॅप्टन विक्रांत खन्नाची भूमिका साकारली आहे. .