नात्यांमधली दरी कमी कशी करावी यावर डॉ. राजीमवाले यांचे live चर्चासत्र, लोकमत भक्ती युट्युब चॅनेलवर!

By ऑनलाइन लोकमत | Published: May 7, 2021 08:00 AM2021-05-07T08:00:00+5:302021-05-07T08:00:03+5:30

सद्यस्थितीतील या महत्त्वपूर्ण प्रश्नाची उकल जाणून घेण्यासाठी आपणही या चर्चासत्रात अवश्य सहभागी व्हा. ७ मे २१ रोजी रात्री ८ वाजता लोकमत भक्ती या युट्युब चॅनेलवर!

Live discussion session on how to bridge the gap between relationships. With Dr.Rajimwale, on Lokmat Bhakti YouTube channel! | नात्यांमधली दरी कमी कशी करावी यावर डॉ. राजीमवाले यांचे live चर्चासत्र, लोकमत भक्ती युट्युब चॅनेलवर!

नात्यांमधली दरी कमी कशी करावी यावर डॉ. राजीमवाले यांचे live चर्चासत्र, लोकमत भक्ती युट्युब चॅनेलवर!

googlenewsNext

असे म्हणतात, की भिंतीत भेग पडली, तर भिंत कोसळते आणि नात्यात भेग पडली की भिंत उभी राहते. आजच्या लॉकडाऊन काळात घराघरातून लोक एकत्र आहेत, पण मनाने एकत्र आहेत का या प्रश्नाचे उत्तर शोधणे नितांत गरजेचे आहे.  या नाजूक विषयावर चर्चा करण्यासाठी डॉ. पुरुषोत्तम राजीमवाले ७ मे रोजी रात्री ८ वाजता लोकमत भक्ती या युट्युब चॅनेलवर लाईव्ह येणार आहेत. नात्यांशी संबंधित अनेक प्रकारच्या प्रश्नांनवर अभिनेत्री परी तेलंग त्यांना बोलते करणार आहेत. 

डॉ. पुरुषोत्तम राजीमवाले हे शिवपुरी अक्कलकोटचे परम सद्गुरु श्री गजानन महाराज यांचे नातू आहेत. तसेच ते अक्कलकोट येथील श्री स्वामी समर्थ गुरूंच्या वंशातील आहेत. राजीमवाले कुटुंब मध्य भारतातील महाकोसल येथील राजेशाही कुटुंब म्हणून ओळखले जाते. १८०० सालापासून जनकल्याणासाठी झटण्याची परंपरा या कुटुंबाला लाभली आहे. 

अक्कलकोट येथे अग्निहोत्राच्या प्राचीन सर्वोत्तम प्रथेचे डॉ. पुरुषोत्तम यांनी पुनरुज्जीवन केले आणि उपचार, शांतीचा संदेश जगाला देण्यासाठी शिवपुरीच्या आश्रमाची स्थापना केली. त्यांनी आपले संपूर्ण बालपण अक्कलकोटच्या मठात आध्यात्मिकदृष्ट्या भारावलेल्या वातावरणात, महान योगी व संतांसोबत व्यतीत केले आहे. तसेच त्यांचे वडील श्रीकांतजी महाराज यांच्या मार्गदर्शनाखाली त्यांनी गुरु परंपरेनुसार प्राचीन विद्या आत्मसात केली. डॉ. पुरुषोत्तम यांच्या वडिलांनी संस्कृतमध्ये पीएचडी करताना वैदिक साहित्यात विशेषज्ञता प्राप्त केली होती. वडिलांकडून वेदाभ्यासाचे धडे घेत त्यांनी आयुर्वेद, योग ते तत्वज्ञान आणि वैदिक विज्ञान इ. विषयांचाही अभ्यास केला. समग्र दृष्टिकोन ठेऊन, निसर्गाच्या सानिध्यात राहत आरोग्य व निरोगी आयुष्य कसे जगायचे, याची प्राचीन शिकवणी त्यांनी घेतली.

सद्यस्थितीतील या महत्त्वपूर्ण प्रश्नाची उकल जाणून घेण्यासाठी आपणही या चर्चासत्रात अवश्य सहभागी व्हा. ७ मे २१ रोजी रात्री ८ वाजता लोकमत भक्ती या युट्युब चॅनेलवर!

Web Title: Live discussion session on how to bridge the gap between relationships. With Dr.Rajimwale, on Lokmat Bhakti YouTube channel!

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.