भरधाव वाहनाने पादचारी तरुणास चिरडले; गढी-माजलगाव रोडवरील घटना
By लोकमत न्यूज नेटवर्क | Published: October 5, 2021 05:20 PM2021-10-05T17:20:42+5:302021-10-05T17:23:41+5:30
Accident in Beed गेवराई तालुक्यातील गढी-माजलगाव रोडवरील टाकळी तांडा येथील घटना
भरधाव वाहनाने पादचारी तरुणास चिरडले; गढी-माजलगाव रोडवरील घटना
Next गेवराई ( बीड ) : अज्ञात वाहनाच्या धडकेत एक 30 वर्षीय तरुण जागीच ठार झाल्याची घटना मंगळवार रोजी पहाटे सहा वाजता तालुक्यातील गढी-माजलगाव रोडवरील टाकळी तांडा येथे घडली आहे. घटनेची माहिती मिळताच तलवाडा पोलिस घटनास्थळी दाखल झाले होते. अशोक सखाराम माने (वय 30 वर्ष) रा. सेलू असे अपघातात ठार झालेल्या तरुणाचे नाव आहे.
अशोक माने हा तरुण गढी-माजलगाव महामार्गावर टाकळी तांडा याठिकाणी पायी चालत असताना त्याला अज्ञात भरधाव वेगातील वाहनाने जोराची धडक दिली. यामध्ये तो जागीच ठार झाला. यानंतर वाहनचालक वाहनासह पसार झाला. ही घटना आज पहाटे सहा वाजता ग्रामस्थांच्या निदर्शनास आली.
संतापजनक ! मूकबधिर विवाहितेवर नराधमाने घरात घुसून केला अत्याचार
माहिती मिळताच तलवाडा पोलिस ठाण्याचे सहाय्यक पोलीस निरीक्षक प्रताप नवघरे यांनी पोलिस उपनिरीक्षक सुभाष माने व पो.काँ.राऊत यांना तात्काळ घटनास्थळी पाठवले. दरम्यान पोलिसांनी घटनेचा पंचनामा करुन मृतदेह उत्तरीय तपासणीसाठी रुग्णालयात नेला आहे. याप्रकरणी अज्ञात वाहनाविरोधात गुन्हा दाखल करण्याची प्रक्रिया सुरू असल्याचे सहाय्यक पोलीस निरीक्षक प्रताप नवघरे यांनी सांगितले.
भावकीतील मुलानेच केले अल्पवयीन मुलीवर अत्याचार; पिडिता पाच महिन्यांची गर्भवती