पावसाळ्यात अशी घ्या तेलकट त्वचेची काळजी; सौंदर्य खुलण्यास होईल मदत

पावसाळ्यात ऑयली स्किन असणाऱ्यांना अनेक समस्यांचा सामना करावा लागतो. कारण या वातावरणामधील ओलाव्यामुळे त्वचेच्या अनेक समस्यांचा सामना करावा लागतो. जर काही घरगुती उपाय केले तर या समस्यांपासून सुटका करणं सहज शक्य होतं. 

बेसन आणि लिंबू 

दोन चमचे बेसन आणि एका लिंबाचा रस एकत्र करा. तयार पेस्ट चेहऱ्यावर लावा आणि 15 मिनिटांनी चेहरा स्वच्छ करा. यामुळे चेहऱ्यावरील तेलकटपणा दूर होण्यास मदत होते आणि त्यावेळी चेहऱ्याचा चिकटपणा दूर होतो. 

कोमट पाण्याने चेहरा स्वच्छ करा

कोमट पाण्याने चेहरा स्वच्छ केल्याने पोर्समध्ये जमा झालेली घाण आणि ऑइल दूर होण्यास मदत होते. यामुळे त्वचेमधील ब्लड सर्क्युलेशन सुरळीत होतं. त्यामुळे पिंपल्सपासूनही सुटका होते. 

काकडी 

एक काकडी घेऊन तिची पातळ स्लाइस कापून घ्या. रात्री आणि दुपारी चेहरा धुतल्यानंतर हे चेहऱ्यावर ठेवा. अर्ध्या तासाने पाण्याने चेहरा स्वच्छ धुवून घ्या. काकडी चेहऱ्याचा तेलकटपणा दूर करण्यासोबतच थंडावा देण्यासाठीही मदत करतो. यामुळे त्वचेला येणारी खाज दूर होते. 

मुलतानी माती आणि गुलाब पाणी 

एक चमचा मुलतानी माती आणि दोन चमचे गुलाब पाणी एकत्र करा. हे मिश्रण चेहऱ्यावर अर्धा तासासाठी लावा आणि त्यानंतर हलक्या गरम पाण्याने चेहरा स्वच्छ करा. यामुळे चेहऱ्यावरील घाण दूर होण्यासोबतच पिंपल्स, अॅक्ने, काळे डाग, ड्रायनेस इत्यादी समस्या दूर होण्यास मदत होते. 

मध आणि साखर 

मध आणि साखर एकत्र करून स्क्रब तयार करा. स्क्रबिंगची ही पद्धत त्वचा खोलवर स्वच्छ करण्यासाठी मदत करते. यामुळे त्वचेच्या सर्व समस्या दूर होतात. 

टिप : वरील सर्व उपाय घरगुती आहेत आणि केवळ माहिती म्हणून आम्ही हे वाचकांपर्यंत पोहोचवत आहोत. प्रत्येकाची त्वचा वेगळी असते त्यामुळे सर्वच उपाय सर्वांच्याच त्वचेसाठी फायदेशीर असतील असं नाही किंवा असा दावाही आम्ही करत नाही. त्यामुळे कोणताही उपाय करण्याआधी तज्ज्ञांचा सल्ला घेणं फायदेशीर ठरेल.