संशयावरून अल्पवयीन मुलगा पोलिसांच्या ताब्यात; चौकशीतून झाला महागड्या बाईक चोरीचा उलगडा
By लोकमत न्यूज नेटवर्क | Published: January 21, 2021 01:03 PM2021-01-21T13:03:53+5:302021-01-21T13:05:30+5:30
bike theft मोटारसायकल चोरट्यांकडून सात दुचाकी जप्त
संशयावरून अल्पवयीन मुलगा पोलिसांच्या ताब्यात; चौकशीतून झाला महागड्या बाईक चोरीचा उलगडा
Next औरंगाबाद : शहरात वेगवेगळ्या भागात दुचाकी चोरणाऱ्या अल्पवयीन मुलासह आणि त्याच्या दोन साथीदारांना सिटी चौक पोलिसांनी पकडले. त्यांच्याकडून चोरीच्या सात दुचाकी जप्त करण्यात आल्या. सय्यद नजिद अहेमद ऊर्फ रोमी सय्यद मकसूद अहेमद (वय २८, रा टाइम्स कॉलनी), आमेर खान पाशु खान (२३, रा. बायजीपुरा) अशी आरोपींची नावे आहे.
१८ जानेवारीला ग्रामपंचायत बंदोबस्त करीत असताना पोलीस उपनिरीक्षक अनिता बागुल यांना दुचाकीवर जाणारा एक अल्पवयीन मुलगा दिसला. संशय आल्याने, त्याला थांबवत चौकशी केली असता त्याच्याजवळील दुचाकी चोरीची असल्याचे त्यांना समजले. उपनिरीक्षक बागुल यांनी त्याला सिटी चौक पोलिसांच्या हवाली केले होते. विशेष पथकाने त्याच्याकडे विचारपूस केली असता त्याने त्याच्या दोन साथीदारासह वेगवेगळ्या ठिकाणाहून सात दुचाकी चोरल्याची कबुली दिली. त्याच्या दोन्ही साथीदारांना पकडले आणि त्यांना खाक्या दाखविताच विविध कंपनीच्या सात दुचाकी त्यांनी पोलिसांच्या हवाली केल्या.
ही कारवाई पोलीस निरीक्षक संभाजी पवार यांच्या मार्गदर्शनाखाली पोलीस उपनिरीक्षक काशीनाथ महाडुळे, कर्मचारी शेख गफ्फार, आर बी खैरनार, संजय नंद, एस. एस. तायडे, देशराज मोरे, अभिजित गायकवाड, शंकर संकपाळ यांनी केली.