तुकडोजी महाराजांची महासमाधी व प्रार्थना मंदिर ३१ तारखेपर्यंत बंद 

 गुरुकुंज मोझरीतील राष्ट्रसंत तुकडोजी महाराज यांची महासमाधी व प्रार्थना मंदिर कोरोना व्हायरस च्या पार्श्वभूमीवर दर्शनासाठी येणाऱ्या भाविकांची गर्दी टाळण्यासाठी आजपासून ते ३१ मार्च पर्यत बंद करण्यात आले आहे.

- अमित कांडलकर
गुरुकुंज मोझरी (अमरावती) - सबके लिये खुला है मंदिर यह हमारा।मतभेद को भुला है,मंदिर यह हमारा।आओ कोई भी धर्मी,आओ कोई भी पंथी।असा संदेश देणाऱ्या  गुरुकुंज मोझरीतील राष्ट्रसंत तुकडोजी महाराज यांची महासमाधी व प्रार्थना मंदिर कोरोना व्हायरस च्या पार्श्वभूमीवर दर्शनासाठी येणाऱ्या भाविकांची गर्दी टाळण्यासाठी आजपासून ते ३१ मार्च पर्यत बंद करण्यात आले आहे.

दरम्यान दररोज सकाळी होणारे सामुदायिक ध्यान व सायंकाळी होणारी सामुदायिक प्रार्थना ही नियमित सुरू राहील, परंतु या दोन्ही कार्यक्रमाला फक्त पाच गुरूदेव भक्त उपस्थित राहतील असे अखिल भारतीय श्रीगुरुदेव सेवा मंडळाच्या  वतीने सांगण्यात आले आहे.तसेच दररोज ध्यान व प्रार्थनेला येणाऱ्या गुरूदेव भक्तांनी घरीच ध्यान व प्रार्थना करन्याच्या सूचना ही देण्यात आल्या आहे. दरम्यान इतिहासात पहिल्यांदाच राष्ट्रसंत श्री तुकडोजी महाराज यांची समाधी व प्रार्थना मंदिर हे दीर्घ काळासाठी बंद ठेवण्याची ही पहिलीच वेळ आहे.सोबतच अस्थि विसर्जन सुद्धा बंद राहील याची भाविकांनी नोंद घ्यावी असे सेवा मंडळाच्या वतीने सांगण्यात आले