भातकुली नगरपंचायतीवर युवा स्वाभिमानचा झेंडा कायम

तिवसा नगरपंचायतीमध्ये युवा स्वाभिमानने ९ जागांवर विजय मिळवला आहे. शिवसेनेला ३ जागा, भाजप व अपक्षला प्रत्येकी २ तर, काँग्रेसला एका जागेवर समाधान मानावे लागले आहे.

अमरावती : जिल्ह्यातील तिवसा आणि भातकुली नगरपंचायत निवडणूकीचे निकाल जाहीर झाले आहेत. भातकुली नगरपंचायतीवर युवा स्वाभिमान पक्षाने आपले वर्चस्व कायम ठेवले आहे. युवा स्वाभिमानचे ९ उमेदवार निवडून आले आहेत.

तिवसा व भातकुली नगरपंचायतीच्या प्रत्येकी १७ जागांसाठी मंगळवारी मतदान प्रक्रिया पार पडली. यात  युवा स्वाभिमानने ९ जागांवर विजय मिळवला आहे. शिवसेनेला ३ जागा, भाजप व अपक्षला प्रत्येकी २ तर, काँग्रेसला एका जागेवर समाधान मानावे लागले आहे.

दरम्यान, भातकुलीच्या प्रभाग ७ मध्ये ८७.०८ टक्के मतदान झाले. यात ३९५ पैकी ३४४ मतदारांनी मतदानाचा हक्क बजावला. यामध्ये १६९ पुरुष व १७५ महिलांचा समावेश असून आहे.

तिवस्यात काँग्रेस विजयी

तिवसामध्ये पालकमंत्री यशोमती ठाकूर यांना बळ मिळाले आहे. तिवसा नगरपंचायत निवडणुकीच्या मतदानाची मतमोजणी बुधवारी सकाळी दहा वाजता सुरू झाली. यात काँग्रेसने १२ जागा जिंकल्या असून काँग्रेसच्या कार्यकर्त्यांनी मोठ्या प्रमाणात जल्लोष सुरू केला आहे.