‘हेल्थ कॉन्शस’वर पुन्हा दंडुका

कोरोना विषाणूचे संक्रमण टाळण्याकरिता जिल्ह्यात संचारबंदी सुरू आहे. त्याबाबत सारासार विचार न करता काही नागरिक रविवारीदेखील छत्री तलाव मार्गावर फिरायला गेले. रविवारी पहाटेपासून अशा व्यक्तींना राजापेठ पोलिसांनी दंडुक्यांचा प्रसाद दिला. अनेकांना पोलीस वाहनात बसवून राजापेठ ठाण्यात नेण्यात आले.

अमरावती : कोरोना विषाणूचे संक्रमण टाळण्याकरिता जिल्ह्यात संचारबंदी सुरू आहे. त्याबाबत सारासार विचार न करता काही नागरिक रविवारीदेखील छत्री तलाव मार्गावर फिरायला गेले. रविवारी पहाटेपासून अशा व्यक्तींना राजापेठ पोलिसांनी दंडुक्यांचा प्रसाद दिला. अनेकांना पोलीस वाहनात बसवून राजापेठ ठाण्यात नेण्यात आले. महिला व लहान मुले वगळता पुरुषांना या कारवाईला सामोरे जावे लागले. पोलिसांनी सात प्रकरणांमध्ये २५ जणांवर भादंविचे कलम १८८ अन्वये गुन्हे नोंदविले. काहींनी कारवाईपासून वाचण्यासाठी जंगल जवळ केले.