अर्णब गोस्वामीवर देशद्रोहाचा गुन्हा दाखल करा!

मूर्तिजापूर : देशासाठी धोका निर्माण करणाऱ्या अर्णब गोस्वामी याच्यावर देशद्रोहाचा गुन्हा दाखल करण्याची मागणी काँग्रेसने शुक्रवारी उपविभागीय अधिकाऱ्यांमार्फत पंतप्रधान नरेंद्र मोदी यांना पाठविलेल्या निवेदनातून केली आहे.

निवेदनात नमूद आहे की, अर्णब गोस्वामी व ‘बार्क’चे अधिकारी पार्थो दासगुप्ता यांच्यातील चर्चेतून सोशल मीडियावर गंभीर बाबी उघड झाले आहेत. देशाच्या सुरक्षेच्या दृष्टिकोनातून अत्यंत गोपनीय माहिती गोस्वामीकडे कशी आली, देशाच्या संरक्षणविषयक महत्त्वाची माहिती देणे गंभीर असून, लष्करी कारवाईसंदर्भातील माहिती बाहेर कशी आली, अशा अनेक प्रश्नांची उत्तर मिळणे देशाच्या दृष्टीने आवश्यक आहे. गोपनीयतेचा भंग केल्याप्रकरणी अर्णब गोस्वामी याच्यावर देशद्रोहाचा गुन्हा दाखल करून त्याला अटक करण्याची मागणी शहर काँग्रेस कमिटीने उपविभागीय अधिकाऱ्यांमार्फत पंतप्रधान यांना पाठविण्यात आलेल्या निवेदनातून केली आहे.

निवेदन देताना तालुकाध्यक्ष बाळासाहेब बाजड, पंचायत समिती सभापती ऊर्मिला डाबेराव, जिल्हा सरचिटणीस बंडू डाखोरे, जिल्हा उपाध्यक्ष बबनराव डाबेराव, शहराध्यक्ष दिनेश दुबे, शहर कार्याध्यक्ष रोहित सोळंके, मोहम्मद शहाबुद्दीन, अशोक दुबे, विनोद ठेकेदार, नितीन गायकवाड, अमोल तातुरकर, धनंजय पाटील-काकड, सुनील वानखेडे, दीपक खंडारे, डाॅ. विजय वानखडे, शुद्धोधन इंगळे, आदी उपस्थित होते.

(फोटो)