दोन गुटखाकिंग गजाआड; आठ लाखांचा मुद्देमाल जप्त 

 श्रीगोंदा पोलिसांनी काष्टी येथील जाणता राजा व शिवकृपा पानसेंटर छापा टाकून सुमारे आठ लाखाचा गुटखा व एक मारुती कार जप्त केली आहे. त्यामुळे काष्टी अवैध धंदे करणारांचे धाबे दणाणले आहेत. ही कारवाई गुरुवारी संध्याकाळी केली आहे. 

काष्टी : श्रीगोंदा पोलिसांनी काष्टी येथील जाणता राजा व शिवकृपा पानसेंटर छापा टाकून दोन जणांना अटक केली आहे. यात सुमारे आठ लाखाचा गुटखा व एक मारुती कार जप्त केली आहे. गुरुवारी संध्याकाळी ही कारवाई केली आहे. 

   पोलिसांनी काष्टीतील गुटखाकिंग सचीन पांडुरंग कोकाटे व दिपक नाना टकले याना बेड्या ठोकल्या आहेत. अधिक माहिती अशी की, काष्टीतील पानटपऱ्या गुटखा असल्याची खबर पोलीस निरीक्षक रामराव ढिकले यांना मिळाली.  गुरुवारी संध्याकाळी सहाय्यक पोलीस निरीक्षक दिलीप तेजनकर यांच्या नेतृत्वाखाली पोलीस कॉस्टेबल किरण बोराडे, प्रताप देवकाते, अमोल  आजबे, कुलदीप घोळवे, किरण भापकर, संतोष कोपनर, गोकुळ इंगवले यांनी दोन टपऱ्यावर छापे टाकले. सुमारे तीन लाखांचा गुटखा व पाच लाखाची मारुती कार जप्त केली आहे.