चोरट्यांचा पोलिसांवर हल्ला ; पाठलाग करून दरोड्याच्या तयारीतील टोळी पकडली. चौघांना अटक : एक पसार 

घारगाव : संगमनेर तालुक्यातील माळवाडी (बोटा) येथे दरोडा टाकण्याच्या तयारी असलेल्या पाच जणांच्या टोळीतील चौघांना घारगाव पोलिसांनी अटक केली आहे. त्यांचा इतर एक साथीदार फरार झाला आहे. आरोपींच्या ताब्यातून दोन दुचाकी, एक सत्तुर, एक चाकु, पकड, स्क्रु ड्रायव्हर, दगडे व मिरची पुड असा एकुण ४० हजार रुपयांचा मुद्देमाल हस्तगत करण्यात आला आहे.

जानकु लिंबाजी दुधवडे (वय २२  रा. गाढवलोळी, अकलापूर), संजय निवृत्ती दुधवडे ( रा. गाढवलोळी,अकलापुर), दत्तु बुधा केदार( वय १९ रा. नांदुर खंदरमाळवाडी), राजू सुरेश खंडागळे वय २५ रा. माळवाडी ) अशी अटक करण्यात आलेल्या चौघांची नावे आहेत. भाऊ लिंबा दुधवडे (वय २५ रा. गाढवलोळी) हा फरार झाला आहे. सर्वजण संगमनेर तालुक्यातील पठारभागातील आहेत.

पोलिसांनी दिलेल्या माहितीनुसार, पोलीस हेडकॉन्स्टेबल संजय विखे,पोलीस नाईक गणेश लोंढे हे बुधवारी पहाटेच्या वेळी गस्त घालत असताना माळवाडी (बोटा )परिसरात दरोडा टाकण्याच्या तयारीत असलेली पाच जणांची टोळी संशयास्पदरित्या मिळून आली. पोलिसांनी त्यांना ताब्यात घेण्याचा प्रयत्न केला असता त्यांनी पोलिसांवर सत्तुराने हमला व दगडफेक करून पळून जाण्याचा प्रयत्न केला. यावेळी पोलीस कॉन्स्टेबल किशोर लाड,हरिचंद्र बांडे,प्रमोद चव्हाण,संतोष फड आदींनी तात्काळ घटनास्थळी धाव घेतली.  या पोलीस पथकाने त्यातील चौघांना ताब्यात घेतले असून एकजण पसार झाला आहे. 

 

पोलीस नाईक गणेश लोंढे यांनी दिलेल्या फिर्यादीवरून वरील पाच जणांवर गुन्हा दाखल करण्यात आला असून पुढील तपास पोलीस निरीक्षक सुनील पाटील यांच्या मार्गदर्शनाखाली पोलीस उपनिरीक्षक धीरज राऊत हे करीत आहेत.