बायोडिझेल तस्करीचा मास्टरमाईंड शिवसेनेचा शहरप्रमुख दिलीप सातपुते; सातपुते फरार, पोलिसांकडून चौफेर शोध

By लोकमत न्यूज नेटवर्क | Published: November 19, 2021 01:26 PM2021-11-19T13:26:19+5:302021-11-19T13:27:02+5:30

मास्टरमाइंड असल्याचे पुरावे पोलिसांच्या हाती लागले आहेत. गुन्ह्यात कोतवाली पोलिसांनी सातपुते याचा आरोपी म्हणून समावेश केला असून त्याचा चौफेर शोध सुरू केला आहे. पोलीस तपासाची कुणकुण लागतात सातपुते नगर शहरातून पसार झाला. सातपुते याचे नाव समोर आल्याने या गुन्ह्यात सहभाग असलेल्या अनेकांचे धाबे दणाणले असून त्यांनीही शहर सोडल्याची चर्चा आहे.

Shiv Sena mayor Dilip Satpute, mastermind of biodiesel smuggling; Satpute absconding, chauffeur search by police | बायोडिझेल तस्करीचा मास्टरमाईंड शिवसेनेचा शहरप्रमुख दिलीप सातपुते; सातपुते फरार, पोलिसांकडून चौफेर शोध

बायोडिझेल तस्करीचा मास्टरमाईंड शिवसेनेचा शहरप्रमुख दिलीप सातपुते; सातपुते फरार, पोलिसांकडून चौफेर शोध

googlenewsNext

अहमदनगरहमदनगर: कोट्यवधी रुपयांची उलाढाल असलेल्या बायोडिझेल तस्करीत शिवसेनेचा शहरप्रमुख तथा माजी नगरसेवक दिलीप सातपुते याचे नाव समोर आले असून तोच या तस्करीचा मास्टरमाइंड असल्याचे पुरावे पोलिसांच्या हाती लागले आहेत. गुन्ह्यात कोतवाली पोलिसांनी सातपुते याचा आरोपी म्हणून समावेश केला असून त्याचा चौफेर शोध सुरू केला आहे. पोलीस तपासाची कुणकुण लागतात सातपुते नगर शहरातून पसार झाला. सातपुते याचे नाव समोर आल्याने या गुन्ह्यात सहभाग असलेल्या अनेकांचे धाबे दणाणले असून त्यांनीही शहर सोडल्याची चर्चा आहे.

22 ऑक्टोबर रोजी पहाटे पुरवठा विभाग व कोतवली पोलिसांनी केडगाव बायपास चौकात छापा टाकून बायोडिझेलवर कारवाई केली होती. यावेळी एकूण 52 लाख रुपयांचा मुद्देमाल जप्त करण्यात आला होता. या गुन्ह्यात पोलिसांनी आतापर्यंत दहा आरोपींना अटक केली आहे. बायोडिझेल तस्करीत राजकीय नेत्याचा हात असल्याची गेल्या अनेक दिवसांपासून नगरमध्ये चर्चा होती. पोलिस मात्र कासव गतीने या गुन्ह्याचा तपास करत होते. बायोडिझेल तस्करीचे नगरचे प्रकरण राज्यभर गाजल्यानंतर अखेर कोतवाली पोलिसांना या गुन्ह्याचा गांभीर्याने तपास करावा लागला. या तस्करीत सातपुते याच्यासह आणखी कोणाचे नावे समोर येणार हे पाहणे महत्त्वाचे ठरणार आहे. दरम्यान स्थानिक गुन्हे शाखेच्या पथकाने पंधरा दिवसापूर्वी नगर-सोलापूर रोडवर छापा टाकून बायोडिझेल तस्करीचा पर्दाफाश केला होता. तेथील  तस्करीत मोठमोठ्या लोकांचा हात असल्याची चर्चा आहे.

Web Title: Shiv Sena mayor Dilip Satpute, mastermind of biodiesel smuggling; Satpute absconding, chauffeur search by police

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.