द्राक्षावरील भुरी रोगाची लक्षणे अन् त्याचे नियंत्रण कसे करावे, जाणून घ्या सविस्तर 

Draksh Bhuri Disease :   द्राक्षावरील भुरी रोग हा एक बुरशीजन्य आजार आहे, जो 'अन्सिनुला निकेटर' नावाच्या बुरशीमुळे होतो आणि थंड तसेच ढगाळ हवामानात वाढतो. सध्या थंडी वाढली असल्याने या रोगाला पोषक वातावरण तयार झाले आहे. या रोगाची नेमकी लक्षणे काय अन् कसे नियंत्रण करावे, हे पाहुयात.... 

भुरी नियंत्रणफळधारणेच्या अवस्थेतील बागांमध्ये प्रादुर्भाव टाळण्यासाठी, सल्फर २ मि.ली किंवा अॅपिलोमायसेस क्विसक्कॅलिस ६.८ मि.ली प्रति लिटर पाणी याप्रमाणे फवारणी करावी.

अद्यापही फळधारणा न झालेल्या बागांमध्ये, फ्लुओपायरम (२०० एससी) + टेब्युकोनॅझोल (२०० एससी) (संयुक्त बुरशीनाशक) ०.५६३ मि.ली किंवा सायफ्लुफेनामीड (५ ईडब्ल्यू) ०.५ मि.ली किंवा फ्लुक्सापायरॉक्साड (७५ हध्स) + डायफेनोकोनॅझोल (५० हध्स एससी) (संयुक्त बुरशीनाशक) ०.८ मि.ली प्रति लिटर पाणी याप्रमाणे फवारणी करावी.

फळछाटणीनंतर ६० दिवसांपूर्वीची स्थिती असलेल्या बागेत ट्रायझोल वर्गातील हेक्झाकोनॅझोल (५ एससी) १ मि.ली किंवा डायफेनोकोनॅझोल ०.७ मि.ली किंवा पॉलिऑक्सिन डी झिंक सॉल्ट (५ एससी) ०.६ मि.ली प्रति लिटर पाणी याप्रमाणे फवारणी घेता येईल.

६०-९० दिवसांच्या कालावधीतील बागेमध्ये, सल्फर २ ग्रॅम अधिक कॅल्शिअम क्लोराईड १.२ ग्रॅम प्रतिलिटर पाणी याप्रमाणे फवारणी करावी.मण्यात पाणी उतरल्यानंतरच्या अवस्थेतील बागेत सल्फर २ ग्रॅम अधिक कॅल्शिअम नायट्रेट १.२ ग्रॅम प्रति लिटर पाणी याप्रमाणे फवारणी करावी.

अॅपिलोमायसेस क्विसक्कॅलिस हे जैविक बुरशीनाशक भुरीविरुद्ध प्रभावी काम करते. त्यामुळे याचा नियमितपणे वापर चालू ठेवावा.फळधारणेनंतर भुरीचा अधिक प्रमाणात प्रादुर्भाव आढळून आल्यास, मेट्राफेनोन (५० एससी) ०.२५ मि.ली प्रति लिटर पाणी याप्रमाणे फवारणी करावी.

(फवारणीपूर्वी राष्ट्रीय द्राक्ष संशोधन केंद्र, पुणे / कांदा व द्राक्ष संशोधन केंद्र, पिंपळगाव बसवंत यांच्या शिफारशीत माहिती नुसार काढणीपूर्व कालावधी अंतर पडताळून पाहणे अत्यंत आवश्यक आहे.)

- ग्रामीण कृषी मौसम सेवा आणि विभागीय संशोधन केंद्र, इगतपुरी