Kapus Bajar Bhav : अकोला जिल्ह्यातील कापूसबाजारात गुरुवारी आवक आणि दर दोन्हीमध्ये स्थिरता दिसून आली. सीसीआयच्या खरेदी केंद्रावर गुरुवारी एकूण २ हजार १९० क्विंटल कापसाची आवक नोंदविली गेली. (Kapus Bajar Bhav)
सध्या कापसाची वेचणी मोठ्या प्रमाणात सुरू असल्याने शेतकऱ्यांकडून टप्प्याटप्प्याने कापूसबाजारात आणण्याचे प्रमाण वाढले आहे.(Kapus Bajar Bhav)
गुरुवारी कापसाला कमाल ८ हजार ६० रुपये, सरासरी ७ हजार ८९९ रुपये, तर किमान ७ हजार ७३८ रुपये दर मिळाला. दरांमध्ये मोठी चढ–उतार न दिसता किंमती स्थिर राहिल्या. (Kapus Bajar Bhav)
शेतकऱ्यांकडून वेचणी झालेला माल गरजेनुसार बाजारात आणला जात असल्याने दरात अचानक वाढ किंवा घट होत नाही, अशी माहिती व्यापारीवर्गाकडून देण्यात आली.
याआधी बुधवार, २६ नोव्हेंबर रोजी देखील कापूस बाजारात जवळपास याच दरांची नोंद झाली होती. त्या दिवशी एकूण १ हजार ९७० क्विंटल आवक झाली होती.
गुरुवारी मात्र आवकेत वाढ दिसून आली असून २२० क्विंटलने वाढलेली आवक बाजारातील कापूस पुरवठा वाढल्याचे संकेत देत आहे. तरीही भावात घसरण नोंदवली न गेल्याने शेतकरी समाधानी दिसून येत आहेत.
सध्या वातावरण स्थिर असून थंडीत वेचणीचा वेग वाढण्याची शक्यता आहे. त्यामुळे पुढील काही दिवस कापसाची आवक आणखी वाढू शकते.
बाजारातील मागणीही चांगली असल्याने किमतीत स्थिरता राहण्याची शक्यता व्यक्त केली जात आहे. दुसरीकडे सीसीआयची खरेदी सुरू असल्याने शेतकऱ्यांना हमीभावासोबतच बाजारातील स्पर्धात्मक दरही मिळत आहेत.
शेतकरी गरजेनुसार, दर पाहून माल विक्रीसाठी आणत असल्याने बाजारात अनियंत्रित आवक टळत असून, दर टिकून ठेवण्यास मदत होत आहे.
कापसाचा दर्जा, ओलावा आणि स्वच्छतेनुसार दरात फरक पडतो. त्यामुळे शेतकऱ्यांनी स्वच्छ आणि कोरडा कापूस बाजारात आणल्यास चांगला दर मिळण्याची शक्यता तज्ज्ञांनी व्यक्त केली.
हे ही वाचा सविस्तर : Kapus Kharedi : सीसीआय खरेदीला वेग; राज्यात कापसाची मोठी आवक वाचा सविस्तर