जळगाव जिल्हा परिषदेच्या सर्वसाधारण सभेत गोंधळ

जळगाव : जळगाव जिल्हा परिषदेच्या सर्वसाधारण सभेच्या सुरुवातीलाच सभेचे चित्रीकरण करण्यात यावे, या मागणीसाठी सदस्यांनी आक्रमक भूमिका घेतली. या सोबतच मागील सभेचे प्रोसेडिंगचे वाचन व माईक सिस्टीम बंदच्या मुद्यावरूनदेखील गोंधळ वाढला. शिवसेना, भाजप, राष्ट्रवादी काँग्रेसचे सदस्य आक्रमक झाले होते. सदस्यांनी चित्रीकरणाच्या मागणीसाठी ठिय्या आंदोलन केले. गोंधळ वाढू लागल्याने जि.प.मध्ये पोलिसांना बोलवावे लागले.