अखेर कारंजा शहर पोलीस स्टेशनचा दुरध्वनी झाला सुरू

कारंजा लाड : लोकमतने २१ नोव्हेंबर रोजीच्या अंकात वृत्त प्रकाशीत करताच शहर पोलीस विभागाने ताबडतोब दूरध्वनी सुरु केला.

ठळक मुद्देलोकमतने प्रकाशित केले होते वृत्त! नागरिकांना झाले सोयीचे!

कारंजा लाड : शहरात कोणतीही घटना असो वा अपघात या घटनेची माहीती पोलीसांना त्वरीत व्हावी हेतूने शहर पोलीस स्टेशनला असलेला दूरध्वनी गत चार दिवसापासून बंद असल्याने पोलीस स्टेशन सोबत संपर्क साधणा-यांना नाहक त्रास सहन करावा लागत होता , यासंदर्भात लोकमतने २१ नोव्हेंबर रोजीच्या अंकात वृत्त प्रकाशीत करताच शहर पोलीस विभागाने ताबडतोब दूरध्वनी सुरु केला. कारंजा शहर पोलीस स्टेशनचा असलेला २२२१०० क्रमांक म्हणजे महीला व नागरीकांना सुरक्षा मिळविण्यासाठी असलेली हेल्पलाईन आहे. मात्र गेल्या चार दिवसापासून असलेल्या हा दूरध्वनी बंद असल्याचे माहिती मिळाली व खात्री केल्यानंतर लोकमतच्यावतिने वृत्त प्रकाशित करुन याकडे जिल्हा पोलीस अधीक्षकांनी लक्ष देण्याची मागणी करण्यात आली होती. या वृत्तांची दखल घेवून दूरध्वनी सुरु झाल्याने नागरिकांना सोयीचे झाले आहे.