परेच्या मार्गावर मेगाब्लॉकमुळे आज वैतागवाडी, रेल्वेच्या ओव्हरहेड लाईनचे काम करण्यात येणार

आज पश्चिम रेल्वेवर विरार डहाणू रोड दरम्यान रेल्वेच्या ओव्हरहेड लाईनचे काम होणार असल्याने या मार्गावर ब्लॉक असून डहाणू रोडहुन विरारकडे व विरारहून डहाणूरोडकडे जाणा-या गाड्या सकाळी ११.१० ते संध्याकाळी ७ वाजेपर्यंत बंद राहणार आहेत.

पालघर : आज पश्चिम रेल्वेवर विरार डहाणू रोड दरम्यान रेल्वेच्या ओव्हरहेड लाईनचे काम होणार असल्याने या मार्गावर ब्लॉक असून डहाणू रोडहुन विरारकडे व विरारहून डहाणूरोडकडे जाणा-या गाड्या सकाळी ११.१० ते संध्याकाळी ७ वाजेपर्यंत बंद राहणार आहेत.
डहाणू विरारदरम्यान या वेळेत धावणा-या सर्व गाड्या रद्द करण्यात आल्या असून यामध्ये डाऊन ११.०९ वाजता वांद्रेहून सुटणारी वांद्रे-वापी शटल, ११.३० वाजता बोरीवलीहून सुटणारी बोरिवली-डहाणू रोड लोकल, ११.५२ वाजताची विरार बलसाड शटल, ११.५० वाजताची चर्चगेट-डहाणूरोड लोकल, १२.२० वाजताची विरार डहाणू रोड व १२.४९ ला विरारहून डहाणूकडे जाणा-या गाड्या रद्द करण्यात आल्या आहे.
त्याचबरोबर मुंबईकडे जाणा-या अप डहाणूहुन सुटणारी १०.०५ वाजताची डहाणू-विरार, ११.१० वाजताची डहाणू विरार, १२.४२ वाजताची डहाणू विरार व १३.२० वाजताची डहाणू-विरार लोकल गाड्या रद्द करण्यात आल्या आहेत.
या दरम्यान विरारहून डहाणूकडे जाणारी १३.४५ वाजताची डाऊन विरार-डहाणू लोकल २० मिनिटे उशिराने धावेल तर ५९४४९ अहमदाबाद वांद्रे पॅसेंजर आपल्या नियत वेळेनुसार धावेल. या ब्लॉकच्या वेळेत लांब पल्ल्याच्या मेल व एक्सप्रेस वेळेत धावणार असल्याची माहिती मिळत आहे.