Lok Sabha Election 2019; उत्सव लोकशाहीचा; नोंदविले ‘लोक’मत

लोकसभा मतदारसंघात रखरखत्या उन्हातही सर्वत्र मतदानाचा उत्साह दिसून आला. शहरी व ग्रामीण भागात मतदान केंद्रांवर दिवसभर मोठ्या प्रमाणावर मतदारांच्या रांगा लागून होत्या. अनेक ठिकाणी यादीमध्ये नाव न आढळल्याने बऱ्याच केंद्रावर मतदारांना भटकंती करावी लागल्याच्या तक्रारी पुढे आल्या.

ठळक मुद्देसर्वत्र उत्साह : अनेक दिग्गजांसह शहरी व ग्रामीण मतदारांनी उत्स्फूर्तपणे बजावले राष्ट्रीय कर्तव्य लोकमत न्यूज नेटवर्क

वर्धा : लोकसभा मतदारसंघात रखरखत्या उन्हातही सर्वत्र मतदानाचा उत्साह दिसून आला. शहरी व ग्रामीण भागात मतदान केंद्रांवर दिवसभर मोठ्या प्रमाणावर मतदारांच्या रांगा लागून होत्या. अनेक ठिकाणी यादीमध्ये नाव न आढळल्याने बऱ्याच केंद्रावर मतदारांना भटकंती करावी लागल्याच्या तक्रारी पुढे आल्या. काहींना नावे मिळाली तर काहींना नावे न मिळाल्याने मतदान न करताच परत फिरावे लागले. जिल्ह्यातील उमेदवारांनीही आपापल्या मतदान केंद्रांवर जात मतदानाचा हक्क बजावला. लोकसभेसाठी जिल्ह्यात शांततेत मतदान पार पडले. अनेक ठिकाणी ईव्हीएम मशीनमध्ये बिघाड आल्याच्याही घटना घडल्या.