ठाण्यातील विटावा सबवेच्या दुरुस्तीनंतर काही तासातच उखडले पेव्हर ब्लॉक, दुरुस्तीच्या कामाबाबत प्रश्नचिन्ह

चार दिवसाच्या दुरुस्तीनंतर विटावा सबवे वाहतुकीसाठी सकाळी सहा वाजता खुला करण्यात आला. परंतु काही क्षणातच लावण्यात आलेले पेव्हर ब्लॉक उखडले आणि येथील वाहतुकही मंदावली. त्यानंतर दुपारी वाहतुक कमी झाल्यानंतर पुन्हा दिड तासाचा ब्लॉक घेऊन दुरुस्तीचे काम करण्यात आले.

ठळक मुद्देअवघ्या काही वेळेतच उखडले पेव्हर ब्लॉककामाच्या दर्जाबाबत नागरीकांनी उपस्थित केल्या शंका

ठाणे - दुरु स्तीसाठी मागील चार दिवसापासून बंद असलेला विटावा सब वे मंगळवारी सकाळी वाहतुकीसाठी खुला करण्यात आला. मात्र हा सबवे खुला होताच बसवण्यात आलेले पेव्हर ब्लॉक अक्षरश: उखडले गेल्याने आधीच चार दिवस वाहतूक कोंडीचा सामना करणाºया ठाणेकरांवर पुन्हा एकदा वाहतूक कोंडीचा सामना करावा लागला. पेव्हर ब्लॉक उखडले गेल्याने या मार्गावरील वाहतूकही मंदावली होती. चार दिवस दुरु स्तीसाठी घेऊन ठाणे महापालिकेच्या वतीने केवळ पेव्हर ब्लॉक बसवले असून दुरुस्ती केल्यानंतर पहिल्याच दिवशी रस्त्याची अशी अवस्था झाल्याने नागरिकांनी आता कामाच्या दर्जाविषयीच प्रश्नचिन्ह निर्माण केले आहे.
चार दिवसाचा ब्लॉक घेऊन विटावा सबवेची दुरु स्ती करण्यात आली. मात्र सिमेंट काँक्र ीटीकरण न करता या ठिकाणी पेव्हर ब्लॉक बसवण्यात आले आहेत. ठाण्यातील विटावा सबवे ची वाहतूक कोंडी ही अनेक वर्षांपासून सुरूच आहे. असे असताना सबवे खाली पडलेले खड्डे बुजविण्यासाठी वाहतूक पोलिसांनी अधिसूचना काढत हा मार्ग चार दिवसांसाठी बंद करून दुरु स्तीचे काम सुरु केले होते. या ठिकाणी पाणी साचत असल्याने या सबवेमध्ये मोठ्या प्रमाणात खड्डे होतात. कायम अवजड आणि लहान मोठ्या वाहनांची वाहतूक या ठिकाणी सुरूच राहत असल्यामुळे या ठिकाणी दुरु स्ती साठी रस्ता बंद करण्याशिवाय पर्याय नव्हता. हे काम महानगर पालिकेने सुरु केले आणि मंगळवारी काम संपवून सबवे सकाळी सहा वाजता वाहतुकीसाठी सुरु केला. मात्र काहीच तासात सिमेंट कोन्क्र ीटीकरण न करता पेव्हर ब्लॉक बसवल्यामुळे ते वाहतूक सुरु झाल्यावर उखडले गेले आणि पुन्हा या भागात वाहतूक कोंडी सुरु झाली.
विटावा सबवे चे हे काम सुरु असताना या ठिकाणी राहत असलेले मनसे पदाधिकारी यांनी ठाणे महानगर पालिकेच्या सार्वजनिक बांधकाम विभागाला एक पत्र २२ डिसेंबर ला देवून या ठिकाणी होणारे दुरु स्तीचे काम हे सिमेंट कॉंक्रीटीकरणाने करावे आणि न्यायालयाच्या बंदीचे आदेश असलेले पेव्हर ब्लॉक वापरू नये असे पत्र दिले होते. तरीही पालिका प्रशासनाने दुरु स्तीसाठी पेव्हर ब्लॉकचा वापर केला. यामुळे आता दोषींवर कठोर कारवाई व्हावी अशी मागणी मनसे पदाधिकारी सुशांत सूर्यराव आणि भाजप पधाधिकारी मनोहर सुखदरे यांनी केली आहे. यावेळी अधिकारी आणि सुखदरे यांच्यात वाद हि झाला आणि मग त्यांना कळवा पोलीस ठाण्यात घेवून जावून काही वेळाने सोडण्यात देखील आले. दरम्यान दुपारी येथील वाहतुक कमी झाल्यानंतर दिड तासाचा पुन्हा ब्लॉक घेण्यात येऊन दुरुस्तीचे काम करण्याचे काम सुरु होते. परंतु आता कामाबाबत मात्र पुन्हा प्रश्न चिन्ह निर्माण झाले आहे.