प्रभाग अध्यक्षपद २२ नोव्हेंबरला

By लोकमत न्यूज नेटवर्क on Sat, November 11, 2017 12:47am

नऊ महिने रखडलेल्या प्रभाग समिती अध्यक्षपदाची निवडणूक अखेर येत्या २२ नोव्हेंबर रोजी घेण्याचे महापालिकेने निश्चित केले आहे.

ठाणे : नऊ महिने रखडलेल्या प्रभाग समिती अध्यक्षपदाची निवडणूक अखेर येत्या २२ नोव्हेंबर रोजी घेण्याचे महापालिकेने निश्चित केले आहे. त्यानुसार, या प्रभाग समित्यांवर शिवसेनेचे वर्चस्व राहणार असले तरीदेखील उथळसर प्रभाग समिती ताब्यात घेण्यासाठी भाजपाने मात्र मोर्चेबांधणी केली आहे. सत्ताधारी शिवसेनेला स्थायी समितीसाठी झगडावे लागत आहे. त्यामुळेच इतर समित्यांच्या निवडणुका रखडल्या होत्या. आता तब्बल नऊ महिन्यांनंतर प्रभाग समितीच्या निवडणुका लागल्या आहेत. मागील महिन्यात महासभेत शहरातील प्रभागांची पुनर्रचना करण्यात आली. १० प्रभाग समित्या एकने कमी करून नऊ करण्यात आल्या. त्यांची निवडणूक आता २२ नोव्हेंबरला दुपारी १ वाजता महापालिकेत घेतली जाणार आहे. मुंबई उपनगरचे जिल्हाधिकारी कुशवाह यांच्या अध्यक्षतेखाली या निवडणुका होणार आहेत. कोपरी, नौपाडा, वागळे, लोकमान्यनगर, सावरकरनगर, वर्तकनगर, माजिवडा, मानपाडा आणि दिवा, शीळ या प्रभाग समितीवर शिवसेनेचे वर्चस्व राहणार आहे. तर, कळवा, मुंब्रा या प्रभाग समित्यांमध्ये राष्टÑवादीची बाजी मारणार आहे. उथळसर प्रभाग समितीमध्ये शिवसेनेचे दोन, राष्टÑवादीचे चार आणि भाजपाचे सहा असे संख्याबळ आहे. या ठिकाणी शिवसेना, राष्टÑवादी यांची आघाडी झाली, तर भाजपाविरुद्ध शिवसेना, राष्टÑवादी असा सामना येथे रंगण्याची चिन्हे आहेत. त्यातून नवी राजकीय समीकरणे अस्तित्त्वात येतील.

संबंधित

चौकशीचा देखावा हाच भ्रष्टाचाराचा सर्वात मोठा पुरावा
शिवसेनेकडून दिव्यांगांची उपेक्षा, अन्यथा 21 व्या दिवशी मातोश्रीवर मोर्चा
Video : ठाण्यातील MSEDC पॉवर हाऊसमध्ये भीषण आग, अग्निशमन दलाच्या गाड्या हजर
Mumbra Fire: शीळफाट्यावरील प्लॅस्टिकच्या गोदामांना भीषण आग
अखेर भाजपाच्या सुवर्णा कांबळे यांचे नगरसेवकपद रद्द

ठाणे कडून आणखी

कर्जाचे हप्ते भरण्याच्या आमिषाने वाहनांची चोरी
खंडणी मागणाऱ्या दोघांना अटक
मीरा रोडमधील हॉटेलमध्ये स्फोट
विनाकारण मारहाण; पप्पी गवळी गजाआड
फाटक्या झालेल्या केडीएमसीचा परिवहन उपक्रमाला टेकू

आणखी वाचा