एका दिवसात ३०३ फेरीवाल्यांवर कारवाई करून २८४ हातगाड्या जप्त

आयुक्त संजीव जयस्वाल यांच्या आदेशानुसार कारवाई

ठाणे : ठाणे महानगरपालिकेने शुक्रवारी केलेल्या धडक कारवाईत ३०३ फेरीवाल्यांवर कारवाई करून २८४ हातगाड्याही जप्त केल्या. आयुक्त संजीव जयस्वाल यांच्या आदेशानुसार ही धडक कारवाई करण्यात आली.

याअंतर्गत कोपरीमध्ये ३७ फेरीवाले व ३३७ हातगाड्या, नौपाड्यामध्ये ३७ फेरीवाले व ३७ हातगाड्या, वागळे प्रभाग समितीमध्ये २० फेरीवाले, ७० हातगाड्या, लोकमान्यनगर- सावरकर प्रभाग समितीमध्ये ३९ फेरीवाले व २७ हातगाड्या, वर्तकनगर प्रभाग समितीअंतर्गत ५२ हातगाड्या ५२ फेरीवाले, माजिवडा मानपाडा प्रभाग समितीअंतर्गत २३ फेरीवाले व १० हातगाड्या, उथळसर प्रभाग समितीमध्ये १५ फेरीवाले व १२ हातगाड्या, कळव्यामध्ये ५८ फेरीवाले १७ हातगाड्या, मुंब्रा प्रभाग समितीअंतर्गत १५ फेरीवाले व सहा हातगाड्या, तर दिवा-शीळ परिसरात सात फेरीवाले व १६ हातगाड्यांवर धडक कारवाई केली. अतिक्र मण विभागाचे उपायुक्त अशोक बुरपल्ले यांच्या मार्गदर्शनाखाली ही कारवाई झाली.