दहा दिवसांत परतली १५ मुले स्वगृही , पालकांच्या चेह-यावर ‘मुस्कान’

By लोकमत न्यूज नेटवर्क on Sat, November 11, 2017 12:37am

अभ्यास कर, असे जरी आईवडील ओरडले, तरी मुलांना तो आपला अपमान वाटतो. त्याचाच राग मनात धरून घर सोडणाºया, हरवलेल्या आणि अपहरण झालेल्या १५ मुलामुलींना ठाणे शहर पोलिसांच्या चाइल्ड प्रोटेक्शन

पंकज रोडेकर  ठाणे : अभ्यास कर, असे जरी आईवडील ओरडले, तरी मुलांना तो आपला अपमान वाटतो. त्याचाच राग मनात धरून घर सोडणाºया, हरवलेल्या आणि अपहरण झालेल्या १५ मुलामुलींना ठाणे शहर पोलिसांच्या चाइल्ड प्रोटेक्शन युनिटने मागील १० दिवसांत पुन्हा स्वगृही पाठवले. या पथकाला एकाच दिवशी ९ मुलांना घरी पाठवण्यात यश आले. मुले घरी परतल्यानंतर त्यांच्या चेहºयांवर पुन्हा एकदा मुस्कान पाहण्यास मिळाल्याचे पोलिसांनी सांगितले. ठाणे शहर पोलीस (प्रशासन) सहायक पोलीस आयुक्त बाजीराव भोसले यांच्या मार्गदर्शनाखाली नुकतीच चाइल्ड प्रोटेक्शन युनिटची धुरा हाती घेणाºया सहायक पोलीस निरीक्षक प्रीती चव्हाण यांच्या नेतृत्वाखाली पोलीस उपनिरीक्षक ९यशवंत सोनावणे आणि अमृता चवरे यांच्या पथकातील सहायक पोलीस उपनिरीक्षक ए.ए. शेख, पोलीस हवालदार प्रतिमा मनोरे,एन.डी.चव्हाण,पोलीस नाईक रोहिणी सावंत, कैलास जोशी,बी.बी. शिंगारे, प्रमोद पालांडे, पी.सी.पाटील यांनी अपहरण झालेल्या तसेच बालगृहात दाखल असलेल्या मुलामुलींचा शोध घेण्यास सुरुवात केली. त्यानुसार, मागील १० दिवसांत १५ मुलांना स्वगृही धाडले असून त्यामध्ये ६ मुली असून उर्वरित ९ मुले आहेत. ती १६ वर्षांखालील असून छोट्याछोट्या कारणांवरून पालक ओरडल्याने त्यांनी घरातून पळ काढल्याचे समोर आले. तसेच त्या मुलांना घरी सोडण्यापूर्वी त्यांचे समुपदेशन केले जाते, असे सांगितले. दोन बहिणी परतल्या भिवंडी,शांतीनगर येथील ८ ते १० वर्षीय दोन बहिणींना काकाकडे सुरतला जायचे होते.त्यामुळे त्या घराबाहेर खेळण्यासाठी जातो, असेसांगून त्यांनी कल्याण रेल्वे स्थानकात गाठले.त्या मुंबईकडे जाणाºया लोकलमध्ये बसल्या.दरम्यान,त्यांना रेल्वे पोलिसांनी पकडल्याने त्या मानखुर्द बालगृहात दाखल झाल्या होत्या.त्या युनिटमुळे तीन दिवसांतच स्वगृही परतल्या आहेत. व्हिडीओ कॉलिंग ओळख : १५ दिवसांपूर्वीच उत्तर प्रदेशमधील डोंगरी आणि मानखुर्द बालसुधारगृहात भाऊ व बहीण दाखल झाले होते.त्यांनी दिलेल्या शाळेच्या नावावरून त्यांची ओळख पुढे आल्याने त्यांच्या पालकांशी व्हिडीओ कॉलिंगद्वारे त्यांची ओळख पटल्यावर त्यांना स्वगृही धाडले आहे. तीन ते चारवर्षीय दोन मुले परतली : कळवा, भोलाईनगर येथील आई आपल्या ३ ते ४ वर्षीय मुलांना घेऊन ठाण्यात आली होती. त्यावेळी ती हरवली. सुदैवाने त्यांना रात्री दक्ष नागरिकांनी कोपरी पोलिसांच्या ताब्यात दिले. दुसºयाच दिवशी पालकांचा शोध घेऊन या युनिटने अवघ्या २४तासांत ती मुले घरी परतली.

संबंधित

जे.डी.सी. बिटको इंग्लिश मीडियम स्कूलच्या माजी विद्यार्थ्यांनी केला कायापालट
शालेय गणवेशाचे फलक दुकानदारांनी स्वत:हून काढले-उघड-उघड गणवेश देणे बंद : मागील दरवाजाने दुकानात प्रवेश
स्पर्धा परीक्षांच्या विद्यार्थ्यांचे हॅश टॅग आंदोलन
भोर तालुक्यात पहिल्याच दिवशी ३० शाळांवर शिक्षक गैरहजर 
चुकीच्या शिक्षक बदलीच्या धोरणाविरोधात राष्ट्रवादीने भरविली रस्त्यावर शाळा 

ठाणे कडून आणखी

पावसाची ‘झाडा’झडती!, झाड पडून ठाण्यात सहा गाड्यांचे नुकसान
विद्यार्थ्यांसोबतच आता पालकांचीही घेणार शिकवणी!
शुभेच्छांच्या बॅनरबाजीने मुंब्य्रात आचारसंहितेचा भंग?
...तर भिवंडीतील कामवारी नदी शेतीसाठी ठरेल वरदान
राष्ट्रवादीला स्पर्धेबाहेर ठेवण्याचे प्रयत्न

आणखी वाचा