तितिक्षा तावडेला सोशल मीडियावर अशाही गोष्टींचा करावा लागतो सामना, जाणून घ्या काय आहे ती गोष्ट

By ऑनलाइन लोकमत | Published: November 12, 2018 03:34 PM2018-11-12T15:34:39+5:302018-11-12T15:34:47+5:30

असामान्य प्रेमकथा हा विषय असलेली मालिका करताना तितिक्षाने तिच्या खऱ्या आयुष्यातील काही मजेदार किस्स्यांचा खुलासा केला.

Titeeksha Tawde Gets Proposed On Social Media | तितिक्षा तावडेला सोशल मीडियावर अशाही गोष्टींचा करावा लागतो सामना, जाणून घ्या काय आहे ती गोष्ट

तितिक्षा तावडेला सोशल मीडियावर अशाही गोष्टींचा करावा लागतो सामना, जाणून घ्या काय आहे ती गोष्ट

googlenewsNext

'तू अशी जवळी राहा' या मालिकेत अभिनेत्री तितिक्षा तावडे आणि अभिनेता सिद्धार्थ बोडके हे दोघे प्रमुख भूमिकेत दिसणार आहेत. नावाप्रमाणे ही मालिका एक परिकथेतील प्रेमकथा नसून ही कथा आहे वेड्या प्रेमाची आहे. मालिकेत सिद्धार्थ बोडके राजवीर मोहिते पाटीलची भूमिका निभावणार आहे जो एक अत्यंत चाणाक्ष मुलगा आहे ज्याला पराभव मान्य नाहीये आणि दुसरीकडे तितिक्षा तावडे ही मनवाची व्यक्तिरेखा साकारणार आहे, जी एक स्वतंत्र आणि स्वावलंबी मुलगी आहे. ही बाकीच्या प्रेम कथांपेक्षा थोडी वेगळी कहाणी आहे. ही कथा राजवीरचं मनवावर असलेल्या वेड्या प्रेमाची तर आहेच पण मनवा त्याच्या वेड्या प्रेमाला कसं जिंकणार याने मालिकेला वेगळी कलाटणी मिळणार आहे.

असामान्य प्रेमकथा हा विषय असलेली मालिका करताना तितिक्षाने तिच्या खऱ्या आयुष्यातील काही मजेदार किस्स्यांचा खुलासा केला. तितिक्षा हि टेलिव्हिजन क्षेत्रातील एक उत्तम आणि सुप्रसिद्ध अभिनेत्री आहे त्यामुळे तिचा चाहतावर्ग देखील तितकाच मोठा आहे. लाइमलाईट मध्ये असलेल्या तितिक्षाला नेहमीच सोशल मीडियावर अनेक चाहते फॉलो करतात, तसेच तिला सोशल मीडियावर विचित्र आणि विनोदी मेसेजेस करतात असं देखील तिने सांगितले. 

याबद्दल सांगताना तितिक्षा म्हणाली, "मला माझे फॅन्स अनेकदा सोशल मीडियावर मेसेज करतात त्यात ते मला 'वायफी' बोलतात किंवा मी माझ्या आईबाबांसोबत पोस्ट केलेल्या फोटोखाली ते सासू-सासरे म्हणून कॉमेंट करतात. मला असं वाटतं चाहते म्हणून ते त्यांचं माझ्यावरचं प्रेम व्यक्त करतात. मला सोशल मीडियावर फनी प्रपोजल्स येतात, पण परिस्थिती कधी हाताबाहेर नाही गेली. काही गोष्टी आपण दुर्लक्षित करून आपल्या कामावर फोकसकरायचा असतो, त्यामुळे मी अशा प्रपोजल्सकडे दुर्लक्ष करते. माझी मनवाची व्यक्तिरेखा देखील सुजाण आहे अशा परिस्थतीत ती देखील माझ्यासारखीच वागेल असं मला वाटतं".

Web Title: Titeeksha Tawde Gets Proposed On Social Media

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.