रात्रीस खेळ चाले २ मधील माई म्हणजेच शकुंतला नरे यांचे हे फोटो पाहून त्यांना ओळखणे देखील होईल अशक्य

By ऑनलाइन लोकमत | Published: June 24, 2019 07:15 AM2019-06-24T07:15:00+5:302019-06-24T07:15:02+5:30

रात्रीस खेळ चाले या मालिकेच्या दोन्ही सिझनमध्ये आपल्याला माई महत्त्वाच्या भूमिकेत पाहायला मिळतायेत.

Ratris Khel Chale 2 Mai aka Shakuntala Nare real life pictures | रात्रीस खेळ चाले २ मधील माई म्हणजेच शकुंतला नरे यांचे हे फोटो पाहून त्यांना ओळखणे देखील होईल अशक्य

रात्रीस खेळ चाले २ मधील माई म्हणजेच शकुंतला नरे यांचे हे फोटो पाहून त्यांना ओळखणे देखील होईल अशक्य

googlenewsNext
ठळक मुद्देखऱ्या आयुष्यात शकुंतला नरे या खूपच वेगळ्या आहेत. त्या अनेक वेळा पाश्चिमात्य कपडे घालतात. त्यांचे खऱ्या आयुष्यातील फोटो पाहिल्यानंतर रात्रीस खेळ चाले २ या मालिकेत माईची भूमिका साकारणाऱ्या याच आहेत का असा प्रश्न नक्कीच पडतो. 

रात्रीस खेळ चाले या मालिकेच्या दुसऱ्या सिझनला सध्या प्रेक्षकांचे चांगलेच प्रेम मिळत आहे. या मालिकेतील अण्णा, शेवंता, दत्ता, सविता, काशी, वच्छी, पांडू या सगळ्याच व्यक्तिरेखा प्रेक्षकांच्या पसंतीस पडत आहे. या मालिकेत दत्ताची पत्नी सविता गरोदर असून काशीच्या मृत्यूचा शाप तिच्या होणाऱ्या बाळाला लागणार का याची प्रेक्षकांना उत्सुकता लागली आहे. या मालिकेच्या कथानकाने प्रेक्षकांना खिळवून ठेवले असून या मालिकेला टिआरपी देखील खूपच चांगला आहे.

रात्रीस खेळ चाले या मालिकेच्या पहिल्या सिझनला तर प्रेक्षकांनी अक्षरशः डोक्यावर घेतले होते. अण्णांच्या घरात खरंच भूत आहे की कोणी घरातील सगळ्यांना उगाचच घाबरवत आहे हे गूढ मालिकेच्या शेवटच्या भागापर्यंत टिकून होते. या मालिकेतील काही कलाकार सध्या रात्रीस खेळ चाले या मालिकेच्या दुसऱ्या सिझनमध्ये देखील प्रेक्षकांना पाहायला मिळत आहेत.

रात्रीस खेळ चाले या मालिकेच्या दोन्ही सिझनमध्ये आपल्याला माई महत्त्वाच्या भूमिकेत पाहायला मिळतायेत. या मालिकेतील या प्रेमळ माई प्रेक्षकांना प्रचंड आवडतात. या मालिकेत माईची भूमिका शकुंतला नरे साकारत असून या मालिकेत त्या अण्णांच्या पत्नीच्या भूमिकेत आपल्याला पाहायला मिळत आहेत.

शकुंतला नरे या मालिकेत नेहमीच आपल्याला नऊवारी साड्यांमध्ये पाहायला मिळतात. पण तुम्हाला माहीतेय का, खऱ्या आयुष्यात त्या खूपच वेगळ्या आहेत. त्या अनेक वेळा पाश्चिमात्य कपडे घालतात. त्यांचे खऱ्या आयुष्यातील फोटो पाहिल्यानंतर रात्रीस खेळ चाले २ या मालिकेत माईची भूमिका साकारणाऱ्या याच आहेत का असा प्रश्न नक्कीच पडतो. 

शकुंतला नरे या मालिकेत अतिशय छोट्या गावातील दाखवण्यात आल्या असल्या तरी त्या खऱ्या आयुष्यात खूपच वेगळ्या असल्याचे या फोटोतून आपल्याला पाहायला मिळत आहे. त्यांना पाश्चिमात्य कपड्यांत पाहून त्यांच्या फॅन्सना नक्कीच आश्चर्याचा धक्का बसतो. पण त्यांचे हे रूप त्यांच्या फॅन्सना आवडत असल्याचे देखील ते कमेंटच्या माध्यमातून सांगतात. त्यांना सोशल मीडियावर त्यांचे फॅन्स मोठ्या प्रमाणावर फॉलो करतात. 

Web Title: Ratris Khel Chale 2 Mai aka Shakuntala Nare real life pictures

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.