शाओमीचा प्रिमिअम स्मार्टफोन Mix 3 येणार; अध्यक्षांनीच टाकले फोटो

गेल्या वर्षी काहीसा महाग आणि प्रिमिअम श्रेणीतील स्मार्टफोन एमआय मिक्स हा बाजारात आणून वरच्या वर्गातील ग्राहकवर्गाला आकर्षित करण्याचा प्रयत्न केला होता.

शाओमीने गेल्या वर्षी पर्यंत परवडणाऱ्या किंमतीत स्मार्टफोन भारतीय बाजारात उतरवून विक्रीचे उच्चांक केले होते. मात्र, गेल्या वर्षी काहीसा महाग आणि प्रिमिअम श्रेणीतील स्मार्टफोन एमआय मिक्स हा बाजारात आणून वरच्या वर्गातील ग्राहकवर्गाला आकर्षित करण्याचा प्रयत्न केला होता. आता या फोनचे तिसरे व्हर्जन येत आहे. Xiaomi चे अध्यक्ष लिन बिन यांनी अधिकृतरित्या या फोनचा फोटो शेअर केला आहे. 

 Mi Mix 3 या फोनमध्ये ओप्पो फाईंड X सारखाच लपलेला आणि स्लायडिंग कॅमेरा असणार आहे. तसेच या फोनची स्क्रीन पूर्णत: बेझललेस असणार आहे. बिन यांनी सोशल वेबसाईट Weibo वर एक पोस्ट केली आहे. यामध्ये त्यांनी फोनचीही माहिती दिली आहे. यानुसार कंपनी ऑक्टोबरमध्ये Mi Mix 3 लाँच करणार आहे. तसेच या फोटोमध्ये फोनवर पुढे ड्युअल कॅमेरे दिसत आहेत. याचबरोबर सेल्फी फ्लॅशही दिला आहे. याशिवाय हा स्मार्टफोन निळ्या रंगामध्ये दिसत आहे.

या फोनमध्ये क्वालकॉम स्नॅपड्रॅगन 845 प्रोसेसर असण्याची शक्यता आहे. सहा जीबी रॅम आणि 64 जीबी स्टोरेज स्पेस तसेच 8 जीबी रॅम आणि 256 जीबी स्टोरेज स्पेसच्या व्हेरिअंटना लाँच केले जाऊ शकते. या शिवाय यामध्ये ड्युअल रिअर कॅमेराही असणार आहे. हा फोन एमोल्ड डिस्पेसोबत येणार आहे, जो 2के रिझोल्युशनचा आहे.