सॅमसंग गॅलेक्सी ए८ प्लसवर डिस्काऊंट

By शेखर पाटील on Thu, March 08, 2018 3:44pm

जानेवारी महिन्याच्या प्रारंभी सॅमसंग गॅलेक्सी ए८ प्लस (२०१८) हे मॉडेल लाँच करण्यात आले होते.

जानेवारी महिन्याच्या प्रारंभी सॅमसंग गॅलेक्सी ए८ प्लस (२०१८) हे मॉडेल लाँच करण्यात आले होते. याच्या ६ जीबी रॅमयुक्त व्हेरियंटचे मूल्य ३२,९९९ रूपये होते. आता हाच स्मार्टफोन ग्राहकांना २८,९९९ रूपये मूल्यात खरेदी करता येणार आहे. यात ६ इंच आकारमानाचा आणि फुल एचडी प्लस क्षमतेचा (२२०० बाय १०८० पिक्सल्स) सुपर अमोलेड डिस्प्ले देण्यात आला आहे. यात ६ जीबी रॅम व ६४ जीबी स्टोअरेज असून ते मायक्रो एसडी कार्डने वाढविणे शक्य आहे. 

सॅमसंग गॅलेक्सी ए८ प्लस या स्मार्टफोनमध्ये ड्युअल फ्रंट कॅमेरा सेटअप प्रदान करण्यात आला आहे. याच्या पुढील बाजूस एफ/१.९ अपार्चर आणि लाईव्ह फोकस या फिचरने सज्ज असणारे १६ व ८ मेगापिक्सल्सचे दोन कॅमेरे देण्यात आले आहेत. यातील एक आरजीबी तर दुसरा मोनोक्रोम या प्रकारातील असेल. यांच्या मदतीने अतिशय उत्तम दर्जाच्या सेल्फी घेता येतात. तर एफ/१.७ अपार्चरसह यातील मुख्य कॅमेरा १६ मेगापिक्सल्सचा असेल. युएसबी टाईप-सी चार्जींग प्रणालीसह यातील बॅटरी ३५०० मिलीअँपिअर क्षमतेची असेल. सर्वात महत्वाची बाब म्हणजे हा स्मार्टफोन वॉटरप्रूफ आणि डस्टप्रूफ असल्याने कोणत्याही वातावरणात सहजपणे वापरणे शक्य आहे. कॉन्टॅक्टलेस मोबाईल पेमेंटसाठी यात सॅमसंग पे ही प्रणाली देण्यात आलेली आहे. याला सॅमसंग गिअर व्हिआर हेडसेटचा सपोर्टदेखील देण्यात आला आहे.

सॅमसंग गॅलेक्सी ए८ प्लस या स्मार्टफोनमध्ये फोर-जी व्हिओ-एलटीई नेटवर्क सपोर्टसह ब्ल्यू-टुथ, वाय-फाय, जीपीएस, मायक्रो-युएसबी, फिंगरप्रिंट स्कॅनर आदी फिचर्स असतील. तसेच या स्मार्टफोनमध्ये  अ‍ॅक्सलेरोमीटर, गायरोस्कोप, ग्रॅव्हीटी, अँबिअंट लाईट सेन्सर्सदेखील प्रदान करण्यात आले आहेत. 

संबंधित

CES 2019 : 'या' ६ टेक्नॉलॉजी जग बदलण्यासाठी येताहेत, तयार रहा!
संदीप पॉलिटेक्नीकच्या २० विद्यार्थ्यांची टोयोटा टेक्नीकल एज्युकेशन प्रोग्रामसाठी निवड
'गुगल' खास 'डुडल'च्या माध्यमातून तुम्हाला देणार वाढदिवसाच्या शुभेच्छा, जाणून घ्या कसं?
एका अनोख्या चटईचा शोध, ती स्वत: चालते आणि आकारही बदलते!
भारत केव्हा घडवेल असाधारण प्रतिभेचे शास्त्रज्ञ?

तंत्रज्ञान कडून आणखी

CES 2019: LG चा चमत्कार, 'हा' पाहा गुंडाळून ठेवता येणारा टीव्ही
WhatsApp वर लवकरच एकाच वेळी 30 ऑडिओ क्लिप पाठवता येणार
CES 2019 : सॅमसंगचा नवा आविष्कार; 'रोबो' आपलं आरोग्य सांभाळणार!
CES 2019 : आपलं जगणं सोपं करण्यासाठी येतेय 'ब्रेडबोट'
CES 2019 : HTC बाजारात आणणार दोन नवे वर्च्युअल हेडसेट्स!

आणखी वाचा