Solapur municipal elections, coordination of the election expenses, answers from the administration on the flyover, lakhs of rupees! | सोलापूर मनपा निवडणूक खर्चाचा ताळमेळ लागेना, प्रशासनाकडून उडवाउडवीची उत्तरे, लाखो रूपयांवर झाली उधळपट्टी !

ठळक मुद्देमाहितीच्या अधिकारात फक्त ६७ लाखांच्या खर्चाची माहिती देण्यात आलीमनपाच्या अंदाजपत्रकात निवडणूक खर्चासाठी ४ कोटी १० लाखांची तरतूद करण्यात आली होतीसीसी कॅमेºयाचा खर्च मोठामनपाचे सभागृह व इतर अनेक इमारती असताना नॉर्थकोट हायस्कूल भाड्याने घेऊन निवडणूक कार्यालय थाटण्यात आले


आॅनलाइन लोकमत सोलापूर
सोलापूर दि २० : मनपा निवडणूक होऊन आठ महिने झाले तरी निवडणुकीसाठी नेमका किती खर्च झाला, याचा हिशोब निवडणूक कार्यालयास अद्याप लागेना झाला आहे. माहितीच्या अधिकारात फक्त ६७ लाखांच्या खर्चाची माहिती देण्यात आली आहे. 
संभाजी आरमारचे शिवाजी वाघमोडे यांनी याबाबत माहितीच्या अधिकारात माहिती विचारली होती. मनपा निवडणूक कार्यालयाचे वरिष्ठ लिपिक एस. आय. गुडदोर यांनी याबाबत लेखी माहिती दिली आहे. मनपाच्या अंदाजपत्रकात निवडणूक खर्चासाठी ४ कोटी १० लाखांची तरतूद करण्यात आली होती. मतदार जागृती अभियान, प्रभाग रचना, प्रभाग आरक्षण, मतदार याद्या छपाई, मतदान केंद्रे, मतदान केंद्रावरील कर्मचाºयांचे मानधन, रामवाडी गोदामावरील मतपेटी व्यवस्था, मतमोजणी प्रक्रिया अशा प्रकारे खर्च झालेला आहे. यासाठी वेगवेगळ्या विभागातून खर्च झाला असून, अद्याप अदा झालेल्या बिलाची माहिती संकलित करण्याचे काम सुरू असल्याचे उत्तरात म्हटले आहे. 
अंदाजे २ कोटी ६० लाखांचा खर्च झाल्याचे नमूद केले असून, अद्याप दोन कोटी रकमेचा हिशोब लागत नाही. निवडणूक उमेदवाराला दररोजचा खर्च वेळेत सादर करण्याचे बंधन घालून हिशोब सादर न करणाºयांवर निवडणूक आयोगाकडून कारवाई केली जाते. पण इथे मनपाच्या हिशोबाचा अद्याप पत्ता नाही. नागरिकांच्या करातून झालेल्या पैशाच्या उधळपट्टीचा निवडणूक आयोग हिशोब का घेत नाही, असा सवाल संभाजी आरमारचे संस्थापक श्रीकांत डांगे यांनी केला आहे.  
-------------------
सीसी कॅमेºयाचा खर्च मोठा
- असा झाला निवडणूक कामाचा खर्च. शहरात ठिकठिकाणी सीसी कॅमेरे व टीव्ही बसविणे, अर्पण सोल्युशन: ८ लाख ६४ हजार, मतदार यादी छपाई, भक्ती कॉम्प्युटर्स: ४२ हजार १९१ व ६५ हजार ९९३, दक्षता पथकासाठी वाहने, प्रकाश टुरीझम: ५ लाख ६३ हजार ८८0, योगायोग ट्रॅव्हल्स: १0 लाख २0 हजार २४0, हुतात्मा स्मृती मंदिर भाडे: १२ लाख ५३ हजार ७00 रु., निवडणूक चित्रीकरण, आराध्या इन्फ्रास्ट्रक्चर: १२ लाख ३९ हजार ४0, मतदान केंद्रावर लायटिंगची कामे, ५१ हजार ४३२ रु. असा फक्त ६७ लाख ३ हजार ४७६ रुपयांच्या खर्चाचा हिशोब आतापर्यंत पूर्ण झाला आहे. 
------------
अशी झाली उधळपट्टी
- मनपाचे सभागृह व इतर अनेक इमारती असताना नॉर्थकोट हायस्कूल भाड्याने घेऊन निवडणूक कार्यालय थाटण्यात आले. शाळेच्या परिसरात धूळ असल्याने दररोज टँकरने पाणी मारणे व मतदार जागृती आवाहनाचे फलक उभारण्यासाठी एक लाख खर्च झाल्याचे दाखविण्यात आले आहे. त्याचबरोबर मंडप, सीसी कॅमेरे, व्हिडीओ चित्रीकरण, वाहने यांचा खर्च मोठा दाखविण्यात आला आहे. पण निवडणूक कार्यालय, रामवाडी गोदामाचे भाडे, राज्य परिवहन व मनपा परिवहनला अदा करण्यात आलेली बिले, निवडणूक कामासाठी वापरण्यात आलेल्या कर्मचाºयांचे मानधन किती अदा झाले याची माहिती अद्याप संकलित झालेली नाही हे विशेष.


Web Title: Solapur municipal elections, coordination of the election expenses, answers from the administration on the flyover, lakhs of rupees!
Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.