BJP's farmers fraud in Peasima plan: M. B. Patil | पीकविमा योजनेत भाजपकडून शेतकºयांची फसवणूक : एम. बी. पाटील
पीकविमा योजनेत भाजपकडून शेतकºयांची फसवणूक : एम. बी. पाटील

ठळक मुद्देमहाराष्ट्र व कर्नाटकात चालू वर्षी भीषण दुष्काळ पडला, शेतकºयांच्या हातून पिके गेली - एम. बी. पाटीलप्रधानमंत्री पीकविमा योजनेतून पाच टक्के शेतकºयांनाही भरपाई मिळालेली नाही - एम. बी. पाटीलमोदी सरकारने शेतकºयांना पीकविमा योजनेत फसविले. बड्या उद्योगपतींना कर्जमाफी दिली - एम. बी. पाटील

सोलापूर : प्रधानमंत्री पीकविमा योजनेत शेतकºयांची फसवणूक करण्यात आल्याचा आरोप कर्नाटकचे गृहमंत्री एम. बी. पाटील यांनी  येथे बोलताना केला. 

सोलापूर लोकसभा काँग्रेस आघाडीचे उमेदवार व माजी केंद्रीय गृहमंत्री सुशीलकुमार शिंदे यांच्या प्रचारार्थ पाटील सोलापूर दौºयावर आले होते. सायंकाळी काँग्रेस भवनात पत्रकारांशी संवाद साधताना त्यांनी मोदी सरकारच्या कारभारावर टीका केली. मोठा गाजावाजा करून पंतप्रधान नरेंद्र मोदी यांनी प्रधानमंत्री पीकविमा योजना काढली. या योजनेसाठी देशातील अनेक शेतकºयांनी पैसे भरले.

महाराष्ट्र व कर्नाटकात चालू वर्षी भीषण दुष्काळ पडला. शेतकºयांच्या हातून पिके गेली, पण प्रधानमंत्री पीकविमा योजनेतून पाच टक्के शेतकºयांनाही भरपाई मिळालेली नाही. त्यामुळे या योजनेत मोठा घोटाळा करण्यात आल्याचा आरोप पाटील यांनी केला. 

मोदी सरकारने शेतकºयांना पीकविमा योजनेत फसविले. बड्या उद्योगपतींना कर्जमाफी दिली, पण दुष्काळाने होरपळून गेलेल्या शेतकºयांची त्यांना दया आली नाही. नागरिकांच्या खात्यावर १५ लाख देतो म्हणाले होते. त्यासाठी नोटाबंदी केली. यातून काळा पैसा बाहेर काढतो म्हणाले होते. पण नोटाबंदीतून सामान्य लोक, व्यापारी हैराण झाले. काळा पैसा बाहेर आलाच नाही. अनेक पातळ्यांवर हे सरकार अपयशी झाले, असे पाटील यांनी सांगितले.

यावेळी माजी शिक्षण मंत्री वसंत पुरके, माजी आमदार विश्वनाथ चाकोते, शहर अध्यक्ष प्रकाश वाले, राजशेखर शिवदारे, जाफरताज पटेल, भीमाशंकर जमादार उपस्थित होते.


Web Title: BJP's farmers fraud in Peasima plan: M. B. Patil
Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.