शेतकऱ्यांच्या सुरक्षेसाठी सातारा झेडपी सरसावली, सुरक्षा किट मिळणार

By ऑनलाइन लोकमत | Published: November 21, 2017 03:23 PM2017-11-21T15:23:10+5:302017-11-21T15:23:26+5:30

राज्यात पिकांवर औषध फवारणी करताना शेतकऱ्यांचा मृत्यू झाल्यानंतर मोठी खळबळ माजली होती. या पार्श्वभूमीवर सातारा जिल्हा परिषद आता जिल्ह्यातील शेतकऱ्यांसाठी सरसावली असून, पाच हजार शेतकऱ्यांना औषध फवारणीवेळी वापरण्यासाठी सुरक्षा किट देणार आहे. त्यासाठी पाच लाख रुपयांची तरतूद करण्यात आली आहे.  

For the safety of the farmers, Satara will get ZP and the security kit | शेतकऱ्यांच्या सुरक्षेसाठी सातारा झेडपी सरसावली, सुरक्षा किट मिळणार

शेतकऱ्यांच्या सुरक्षेसाठी सातारा झेडपी सरसावली, सुरक्षा किट मिळणार

Next

सातारा - राज्यात पिकांवर औषध फवारणी करताना शेतकऱ्यांचा मृत्यू झाल्यानंतर मोठी खळबळ माजली होती. या पार्श्वभूमीवर सातारा जिल्हा परिषद आता जिल्ह्यातील शेतकऱ्यांसाठी सरसावली असून, पाच हजार शेतकऱ्यांना औषध फवारणीवेळी वापरण्यासाठी सुरक्षा किट देणार आहे. त्यासाठी पाच लाख रुपयांची तरतूद करण्यात आली आहे.  

गेल्या महिन्यात यवतमाळ जिल्ह्यात व इतर ठिकाणी पिकांवर औषध फवारणी करताना अनेक शेतकऱ्यांचा मृत्यू झाला होता. त्यामुळे राज्यात खळबळ उडाली होती. सर्व बाजूंनी राज्य शासनावर टीका करण्यात येत होती. या पार्श्वभूमीवर शेतकऱ्यांच्या दृष्टीने काही उपाययोजना हाती घेण्यात आल्या. शासनाकडून मदतीचे आश्वासन देण्यात आले. अशा या घटनेनंतर सातारा जिल्हा परिषदही शेतकऱ्यांच्या सुरक्षेसाठी पुढे आली आहे. जिल्हा परिषदेने जिल्ह्यातील पाच हजार शेतकऱ्यांना औषध फवारणीवेळी वापरण्यासाठी सुरक्षा किट वाटपाचा निर्णय घेतला. त्यासाठी पाच लाख रुपयांची तरतूद केली आहे. कृषी समिती सभापती मनोज पवार यांनी यासाठी विशेष प्रयत्न करून शेतकऱ्यांच्या सुरक्षेसाठी महत्त्वाचे पाऊल उचलले. 

जिल्ह्यात एकूण ९३४ दुकाने ही कीटकनाशक विक्रीची आहेत. या दुकानात सुरक्षा किट उपलब्ध करून देण्यात आले आहे. तशा विक्रीच्या सूचनाही दुकानदारांना करण्यात आल्या आहेत. या किटची किंमत १५० रुपये आहे. त्यापैकी ५० रुपये हे शेतकºयांनी भरायचे असून, १०० रुपये अनुदान मिळणार आहे. ७ नोव्हेंबरला ही योजना सुरू झाली असून, आतापर्यंत जिल्ह्यातील सुमारे ५०० हून अधिक शेतकऱ्यांची याचा लाभ घेतला आहे.

Web Title: For the safety of the farmers, Satara will get ZP and the security kit

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.