साताऱ्यातील पोलिस वसाहत मार्गावर खड्ड्यांचे साम्राज्य, पोलिस दादाच्या घरचा रस्ताही खडतर

By लोकमत न्यूज नेटवर्क | Published: November 6, 2017 12:07 PM2017-11-06T12:07:30+5:302017-11-06T12:11:50+5:30

 पोलिसदादांना कधी कोठे कामाला जावे लागेल याचा नेम नाही. रात्रभर काम केल्यानंतर पहाटे दमून-भागून घरी जायचं म्हटलं तरी खडतर मार्गावरुन जावे लागते. साताऱ्यातील गोळीबार मैदान पोलिस वसाहतीकडे जाणाऱ्या  रस्त्याची अक्षरश: चाळण झाली असून, रस्त्यावर खड्ड्यांचे साम्राज्य निर्माण झाले आहे. त्यामुळे त्यांना घरी जायचे म्हटले तरी दिव्यातून जावे लागते.

Pothis Empire, Police Dada's Home Road, Satara | साताऱ्यातील पोलिस वसाहत मार्गावर खड्ड्यांचे साम्राज्य, पोलिस दादाच्या घरचा रस्ताही खडतर

साताऱ्यातील गोळीबार मैदान पोलिस वसाहतीकडे जाणाऱ्या  रस्त्याची अक्षरश: चाळण झाली असून, रस्त्यावर खड्ड्यांचे साम्राज्य निर्माण झाले आहे.

Next
ठळक मुद्देदुरूस्तीकडे प्रशासनाचे दुर्लक्ष होत असल्याचा आरोपपोलिसांच्या कुटुंबीयांची याच रस्त्यावरून ये-जा खड्ड्यांमुळे अनेकांच्या गाड्यांचे नुकसान काही नागरिकांना मणक्याचे त्राससुद्धा तातडीने लक्ष देऊन रस्त्याची दुरुस्ती करण्याची मागणी

सातारा ,दि.  ०६ :  पोलिसदादांना कधी कोठे कामाला जावे लागेल याचा नेम नाही. रात्रभर काम केल्यानंतर पहाटे दमून-भागून घरी जायचं म्हटलं तरी खडतर मार्गावरुन जावे लागते. साताऱ्यातील गोळीबार मैदान पोलिस वसाहतीकडे जाणाऱ्या  रस्त्याची अक्षरश: चाळण झाली असून, रस्त्यावर खड्ड्यांचे साम्राज्य निर्माण झाले आहे. त्यामुळे त्यांना घरी जायचे म्हटले तरी दिव्यातून जावे लागते.


गोळीबार पोलिस वसाहतीकडे जाणाऱ्या रस्त्यावरून दररोज शेकडो वाहनांची ये-जा होत असते. कायमच धावपळीचे जीवन जगत असणाऱ्या अनेक पोलिसांची त्यांच्या कुटुंबीयांची याच रस्त्यावरून ये-जा असते; मात्र या रस्त्यावरील खड्ड्यांमुळे अनेकदा अनेक पोलिसांच्या गाड्यांना छोटे-मोठे अपघात झाल्याच्याही घटना घडल्या आहेत, असे असताना सुद्धा संबंधित विभागाकडून जाणीवपूर्वक दुर्लक्ष केल्याचा आरोप पोलिस कर्मचारी व परिसरातील नागरिकांनी केला आहे.


रस्त्यांवर पडलेल्या खड्ड्यांमुळे अनेकांच्या गाड्यांचे नुकसान तर झालेच आहे. पण काही नागरिकांना मणक्याचे त्राससुद्धा होऊ लागल्याची चर्चा आहे, त्यामुळे संबंधित विभागाने तातडीने लक्ष देऊन रस्त्याची दुरुस्ती करण्याची मागणी होत आहे.

Web Title: Pothis Empire, Police Dada's Home Road, Satara

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.