‘झिरो’ पोलिसिंग मोडीत काढणार: जिल्हाधिकाºयांचा इशारा

By लोकमत न्यूज नेटवर्क on Fri, November 10, 2017 10:53pm

सांगली : ‘थर्ड डिग्री’ वापरून अनिकेत कोथळे याचा खून केल्याची घटना अत्यंत क्रूर व अमानवीय आहे.

सांगली : ‘थर्ड डिग्री’ वापरून अनिकेत कोथळे याचा खून केल्याची घटना अत्यंत क्रूर व अमानवीय आहे. यात एका झिरो पोलिसाचाही सहभाग आहे. ‘झिरो’ पोलिस जर पोलिस प्रशासनाचा कारभार चालवत असतील, तर ते अत्यंत चुकीचे आहे. यापुढे जिल्'ात ‘झिरो’ पोलिसांना थारा दिला जाणार नाही, असा इशारा जिल्हाधिकारी विजय काळम-पाटील यांनी दिला. यावेळी कृषी राज्यमंत्री सदाभाऊ खोत उपस्थित होते. अनिकेत कोथळे प्रकरणाच्या पार्श्वभूमीवर जिल्'ातील कायदा व सुव्यवस्थेचा आढावा घेण्यासाठी काळम यांनी शुक्रवारी बैठक घेतली. या बैठकीनंतर ते पत्रकारांशी बोलत होते.

काळम-पाटील म्हणाले की, भविष्यात कायदा व सुव्यवस्थेबाबत नागरिकांच्या तक्रारींची पोलिस प्रशासनाने दखल न घेतल्यास, नागरिकांनी थेट माझ्याशी संपर्क साधावा. उपविभागीय अधिकारी व तहसीलदारांना दंडाधिकारी म्हणून दिलेल्या अधिकारांचा योग्य उपयोग करावा. अशा घटना टाळण्यासाठी त्यांनी दक्ष राहावे. उपविभागीय अधिकारी आणि तहसीलदार तसेच पोलिस यंत्रणांनी प्रलंबित प्रकरणे मार्गी लावण्यासाठी नियमित आढावा घ्यावा. तसेच, हद्दपारीची प्रकरणे विहित मुदतीत निकालात काढावीत. त्याचा अहवाल मला व जिल्हा पोलिसप्रमुख यांना सादर करावा, असे आदेश दिले आहेत. यापुढे जिल्'ातील कायदा व सुव्यवस्था तसेच गुन्हेगारीचा आढावा घेण्यासाठी प्रत्येक महिन्याला मी स्वत: बैठक घेणार आहे. पोलिसांनी चांगले काम करावे काळम-पाटील म्हणाले की, अनिकेतच्या खुनाच्या घटनेने जिल्'ातील पोलिसांना धक्का बसला आहे. यासाठी पोलिसांनीही, त्यांच्याबाबत समाजात चांगली भावना निर्माण व्हावी, असे काम करावे. पोलिस ठाण्यात सीसीटीव्ही कॅमेरे नाहीत. जिथे आहेत, तेही बंद आहेत. सीसीटीव्ही कॅमेरे बसविण्यासाठी जिल्हा नियोजन समितीमधून निधी दिला जाईल. कोथळे कुटुंबाची कैफियत काळम-पाटील म्हणाले, अनिकेत कोथळेच्या कुटुंबाची भेट घेऊन त्यांचे सांत्वन केले. या कुटुंबाची परिस्थिती अत्यंत गरीब आहे. त्यांनी मांडलेली कैफियत हृदयाला पाझर फोडणारी होती. त्यांना शासकीय मदत मिळवून देण्यासाठी प्रयत्न केले जातील. तसा प्रस्ताव शासनाला सादर केला जाईल. कृषी राज्यमंत्री सदाभाऊ खोत यांनाही, मुख्यमंत्र्यांशी बोलून मदतीसाठी पाठपुरावा करण्याची विनंती केली आहे.  

 

संबंधित

शिरुरमध्ये लाचखोर पोलीस कॉन्स्टेबलचे सिनेस्टाईल पलायन; गुन्हा दाखल
राहुरीत होत असलेला अल्पवयीन विवाह पोलीस येताच थांबला
खबरदार ! औरंगाबाद पोलीस आता तपासासाठी वापरणार अमेरिकन तंत्राची ‘आय-बाइक’ 
मालवण शहरातील महाविद्यालयीन युवतीची आत्महत्या, अभ्यासाचे दडपण असल्याचा अंदाज
वाळूउपसा माहिती अधिकारात माहिती देण्यास नगरचे जिल्हाधिकारी-तहसील कार्यालयांची चालढकल

सांगली कडून आणखी

शिरगावात दलितास मंदिरात प्रवेश नाकारला , भेदभावाची वागणूक : पोलिसांत तक्रार
शिरसीतील खुनाचा अद्याप शोध नाहीच-श्वानपथक तीस मीटरपर्यंतच घुटमळले
वाळव्यात २५ पासून राज्यस्तरीय कबड्डी स्पर्धा : मुख्यमंत्र्यांच्याहस्ते उद््घाटन- वैभव नायकवडी
विश्रामबागच्या रुग्णालयातील सीसीटीव्ही फुटेज ताब्यात-कोठडीत मारले, आंबोलीत जाळले--अनिकेत कोथळेचा मृत्यू
सांगली बाजार तेजीतच, कांद्याने गृहिणींच्या डोळ्यात आणले पाणी, पन्नाशी गाठली

आणखी वाचा