कामटेसह पाचजणांना पोलीस कोठडी

By लोकमत न्यूज नेटवर्क on Fri, November 10, 2017 12:14am

सांगली : पोलीस कोठडीतील संशयित अनिकेत कोथळे याच्या मृत्यूप्रकरणी पोलीस उपनिरीक्षक युवराज कामटे याच्यासह पाचजणांना गुरुवारी कडेकोट पोलीस बंदोबस्तात न्यायालयात हजर करण्यात आले. न्यायालयाने या पाचहीजणांना १३ दिवसांची पोलीस कोठडी सुनावली. दरम्यान, सहावा संशयित अनिल लाड याला तपासकामासाठी पोलिसांनी ताब्यात ठेवल्याने, त्याला न्यायालयात हजर करण्यात आले नाही. संशयितांना न्यायालयात आणले जाणार असल्याचे ...

सांगली : पोलीस कोठडीतील संशयित अनिकेत कोथळे याच्या मृत्यूप्रकरणी पोलीस उपनिरीक्षक युवराज कामटे याच्यासह पाचजणांना गुरुवारी कडेकोट पोलीस बंदोबस्तात न्यायालयात हजर करण्यात आले. न्यायालयाने या पाचहीजणांना १३ दिवसांची पोलीस कोठडी सुनावली. दरम्यान, सहावा संशयित अनिल लाड याला तपासकामासाठी पोलिसांनी ताब्यात ठेवल्याने, त्याला न्यायालयात हजर करण्यात आले नाही. संशयितांना न्यायालयात आणले जाणार असल्याचे वृत्त पसरल्याने न्यायालय परिसरात मोठी गर्दी झाली होती. सांगली आकाशवाणीजवळ एका अभियंत्याला चाकूचा धाक दाखवून त्याच्याकडून दोन हजार रुपये आणि मोबाईल पळविल्याप्रकरणी शहर पोलिसांनी संशयित म्हणून अनिकेत अशोक कोथळे (वय २६) आणि अमोल सुनील भंडारे (२३, दोघे रा. भारतनगर, कोल्हापूर रस्ता, सांगली) यांना दोन दिवसांपूर्वी अटक केली होती. दोघांना सोमवारी रात्री चौकशीसाठी बाहेर काढल्यावर. दोघेही पळाले, असा बनाव पोलिसांनी रचला. अनिकेत कोथळेच्या कुटुंबीयांनी घातपाताची शंका व्यक्त केल्याने हे प्रकरण तापले. अनिकेतला पोलिसांनी केलेल्या मारहाणीत त्याचा मृत्यू झाल्याचे बुधवारी उघड झाले. त्याचा मृतदेह पोलिसांनी आंबोली घाटात जाळला. याप्रकरणी पोलिस उपनिरीक्षक युवराज कामटेसह हवालदार अनिल लाड, अरुण टोणे, नसरुद्दीन मुल्ला, राहुल शिंगटे व झिरो पोलिस झाकीर पट्टेवाले या सहा जणांना अटक केली होती. दरम्यान, गुरुवारी दुपारी दोनच्या सुमारास कामटे याच्यासह अरुण टोणे, मुल्ला, शिंगटे व झिरो पोलिस झाकीर पट्टेवाले या पाच जणांना कडेकोट बंदोबस्तात प्रथमवर्ग न्यायदंडाधिकारी पी. पी. खापे यांच्या न्यायालयात हजर केले. संशयितांना न्यायालयात आणले जाणार असल्याचे समजताच या परिसरात गर्दी झाली होती. कोणताही अनुचित प्रकार घडू नये, यासाठी पोलिसांनी फौजफाटा तैनात केला होता. पाच ते सहा वाहने एकमेकांमागे लावून संशयित कामटे व चार जणांना काळे बुरखे घालून न्यायालयात आणले. सरकारी पक्षातर्फे सहाय्यक सरकारी अभियोक्ता उज्ज्वला आवटे यांनी बाजू मांडली. पोलिस ठाण्यात झालेली घटना अत्यंत गंभीर आहे. कोथळेच्या मृत्यूप्रकरणी संशयितांची भूमिका निश्चित करावयाची आहे. संशयितांनी मारहाण करताना कशाचा वापर केला, त्याचा मृतदेह कोणत्या वाहनातून नेला, आंबोलीपर्यंत जाण्यासाठी त्यांना कोणी मदत केली, याचा तपास करण्यासाठी १४ दिवसांची कोठडी देण्याची मागणी केली. न्यायालयाने या पाच संशयितांना १३ दिवसांची कोठडी सुनावली. पोलिसांनी या पाचही संशयितांना न्यायालयातून हलविले. सहावा संशयित अनिल लाड याला पोलिसांनी तपासकामी ताब्यातच ठेवल्याने न्यायालयात हजर केले नाही. गुन्हा व अटकेबाबत साशंकता अनिकेत व अमोल या दोघांना लूटमारप्रकरणी अटक करण्यात आली. या प्रकरणात संतोष गायकवाड (रा. कवलापूर) याने फिर्याद दिली होती. गायकवाड मुंबईत राहतो. तो मूळचा कवलापूरचा आहे. त्यामुळे पोलिसात दाखल केलेला लूटमारीचा गुन्हाच बनावट असल्याचा दावा कोथळे कुटुंबियांनी केला असून, फिर्यादी गायकवाड याचीही चौकशीची मागणी केली आहे. अटकेतील दोघांपैकी केवळ अनिकेतलाच पोलिसांनी मारहाण केली आहे. तसेच तो ज्या बॅग्ज हाऊसमध्ये काम करीत होता, तेथील दुकानदाराबाबतही नातेवाईकांनी प्रश्न उपस्थित केला आहे. या प्रकरणात दुकानदाराच्या चौकशीची मागणी होत आहे. सीआयडी ताबा घेणार कोथळे मृत्यू प्रकरणाचा तपास सीआयडीकडे सोपविण्यात आला आहे. सीआयडीचे अप्पर अधीक्षक नरेंद्र गायकवाड, उपअधीक्षक मुकुंद कुलकर्णी यांचे पथक कालपासून सांगलीत तळ ठोकून आहे. अद्याप सीआयडीने सहाही संशयितांचा ताबा घेतलेला नाही. तांत्रिक बाबी पूर्ण केल्यानंतर रात्री उशिरा सर्वांना ताब्यात घेतले जाणार असल्याचे सांगण्यात आले. सीआयडीचे पथक न्यायालयाच्या आवारातही उपस्थित होते. केवळ दोन हजारासाठी... कवलापूर येथील संतोष गायकवाड याने दिलेल्या फिर्यादीवरून अनिकेत व अमोल या दोघांना पोलिसांनी पकडले होते. संतोष याला चाकूचा धाक दाखवून त्याच्याकडील दोन हजाराची रोकड व मोबाईल काढून घेतल्याची तक्रार त्याने केली होती. या प्रकरणात पोलिसांनी केलेल्या अमानुष मारहाणीत अनिकेतचा मृत्यू झाला. त्याच्या नातेवाईकांनी मात्र ही तक्रारच खोटी असल्याचा दावा केला आहे. केवळ दोन हजाराच्या लुटीच्या प्रकरणातील तथ्य सीआयडीकडून समोर आणले जाईल; पण या प्रकरणात अनिकेतला मात्र आपला जीव गमावावा लागला.

संबंधित

 लाचप्रकरणी शिरोळ पंचायत समितीच्या दोन अधिकाऱ्यांना अटक
....अशी झाली होती कुख्यात सुपारी किलर इम्रान मेहदीला अटक
धुळ्यात तरुणाचा मृतदेह आढळला
एकतर्फी प्रेमातून त्याने तिला मारली मिठी, वाचा पुढे काय झाले ?
चोरट्यांनी केले महिलांच्या डब्याला लक्ष्य

सांगली कडून आणखी

दसऱ्यासाठी कवठेएकंद सज्ज, आज आतषबाजी : केरळ महाप्रलय, अतिरेक्यांवरील हल्ला
सांगलीत दसऱ्याच्या पूर्वसंध्येला पाण्यासाठी शिमगा : काँग्रेस, राष्ट्रवादी नगरसेवकांसह नागरिकांचा हल्लाबोल
अनैतिक संबंधातून तरुणाचा खून संख येथील घटना : झोपेतच हल्ला; कुºहाडीचे वार
पत्नीकडून पतीचा सुपारी देऊन खून अपघाताचा बनाव : अनैतिक संबंधातून कृत्य; मृत कोळे येथील
अनिकेत कोथळेचा खून कट रचूनच! : जिल्हा न्यायालयास सादर; नोव्हेंबरमध्ये पुढील सुनावणी

आणखी वाचा