अपघात टाळण्यासाठी मुंबई-पुणे द्रुतगती महामार्गावर पहिल्या लेन मध्ये कमी वेगाने वाहन चालविण्यास मनाई

By ऑनलाइन लोकमत | Published: March 27, 2018 07:17 PM2018-03-27T19:17:39+5:302018-03-27T19:18:31+5:30

यशवंतराव चव्हाण मुंबई पुणे दृतगती महामार्गावरील पहिल्या लेन मधुन प्रवास करतांना विहित ताशी ८० किमी गतीपेक्षा कमी वेगाने वाहन चालविण्यास मनाई करणारी अधिसुचना राज्याच्या वाहतूक विभागाचे अपर पोलीस महासंचालक आर.के.पद्मनाभन यांनी जारी केली आहे.

Mumbai-pune Express way news | अपघात टाळण्यासाठी मुंबई-पुणे द्रुतगती महामार्गावर पहिल्या लेन मध्ये कमी वेगाने वाहन चालविण्यास मनाई

अपघात टाळण्यासाठी मुंबई-पुणे द्रुतगती महामार्गावर पहिल्या लेन मध्ये कमी वेगाने वाहन चालविण्यास मनाई

Next

- जयंत धुळप

रायगड -  यशवंतराव चव्हाण मुंबई पुणे दृतगती महामार्गावरील पहिल्या लेन मधुन प्रवास करतांना विहित ताशी ८० किमी गतीपेक्षा कमी वेगाने वाहन चालविण्यास मनाई करणारी अधिसुचना राज्याच्या वाहतूक विभागाचे अपर पोलीस महासंचालक आर.के.पद्मनाभन यांनी जारी केली आहे.

उजवीकडील लेन कायम रिकामी ठेवणे आवश्यक 

यशवंतराव चव्हाण मुंबई पुणे दृतगती महामार्गावरील अपघात व वाहतूक कोंडी होवू नये यासाठी दृतगती महामार्गावरील प्रत्येक वाहिनीत तीन लेन आहेत. त्यापैकी कार,जीप, टेम्पो या हलक्या वाहनांनी दृतगती महामार्गाच्या मध्य लेन मधून, जड-अवजड वाहनांनी सर्व्हीस लेनला लागून असलेल्या सर्वात डावीकडील लेन मधून प्रवास करणे अपेक्षीत असते. तसेच त्यांनी केवळ पुढील वाहनास ओलांडतांना (ओव्हरटेक करताना) उजवीकडील लेनचा अवलंब करु न लेन मधून उजवीकडील लेन कायम रिकामी ठेवणे आवश्यक आहे. 

पहिल्या लेन मध्ये कमी वेगाने वाहन चालविण्याने अपघात 

पहिली लेन ही ओव्हरटेक करीता आहे. तथापि बरीच वाहने पहिल्या लेन मधून प्रवास करतांना आवश्यक असणा:या विहीत ताशी ८० कि.मी.गतीचा वापर न करता त्यापेक्षा कमी गतीने वाहने चालवितात. त्यामुळे पाठीमागून येणा:या चालकांना वाहन चालविण्यास अडथळा निर्माण होऊन अपघात होण्याची दाट शक्यता असते. दृतगती महामार्गावर अपघात आणि वाहतूकीची कोंडी टाळण्यासाठी तसेच लेनच्या शिस्तीचे पालन करणे यासाठी मोटार वाहन कायदा १९८८ चे कलम ११५ अन्वये अपर पोलीस महासंचालक (वाहतूक)आर.के.पद्मनाभन यांनी ही अधिसूचना जारी केली आहे. 

अत्यावश्यक सेवावाहनांना सूट

या अधिसुचनेअन्वये रायगड व पुणे जिल्ह्याच्या हद्दीमध्ये यशवंतराव चव्हाण मुंबई-पुणे व पुणे-मुंबई दृतगती महामार्गावर उजवीकडून लेन ओव्हर टेकींगसाठी राखीव असल्यामुळे पहिल्या लेनमधून प्रवास करतांना विहीत गतीपेक्षा कमी गतीने वाहन  चालविण्यास हा मनाई आदेश जारी  करण्यात आला  आहे. या मनाई आदेशातून अत्यावश्यक सेवावाहने, रु ग्णवाहिका,अग्निशमन वाहने, पोलीस व शासकीय वाहने यांना वगळण्यात आले आहे.

सुयोग्य सुचना लावण्याचे महाराष्ट्र रस्ते विकास महामंडळास निर्देष

अधिसूचनेत नमूद केल्यानुसार, उजवी लेन ही हलक्या वाहनांच्या ओव्हर टेकींगसाठी राखीव असून कमी गतीने वाहन चालविण्यास मनाई असल्या बाबत टोल तिकीटावर अटी व शर्ती म्हणून लेखी स्वरु पात नमूद करावी. तसेच या बाबत बोर्ड, चिन्हे, फलक व तत्सम सूचना योग्य ठिकाणी लावण्याबाबतची अंमलबजावणी  महाराष्ट्र रस्ते विकास महामंडळाने करावी, असे निर्देशही देण्यात आले आहेत. अधिसूचना पुढील आदेश निर्गिमत होईपर्यंत लागू राहील, असे आवाहन पद्मनाभन यांनी केले आहे.

Web Title: Mumbai-pune Express way news

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.