श्रीलंकेतील दहशतवादी हल्ल्यातील मृतांना सर्वधर्मीय सभेत श्रद्धांजली

By ऑनलाइन लोकमत | Published: April 25, 2019 07:55 PM2019-04-25T19:55:01+5:302019-04-25T19:57:19+5:30

श्रीलंकेतील आत्मघातकी बॉम्बस्फोटाच्या निषेधार्थ आणि निरपराध मृतांप्रती शोक व्यक्त करण्यासाठी गुरुवार ,२५ एप्रिल रोजी,सायंकाळी ६ वाजता बिशप स्कुलच्या जीजीभॉय मैदानात सर्वधर्मीय निषेध आणि शोकसभा आयोजित करण्यात आली हाेती .

Tribute to the death of Sri Lankan terrorists in the All-Party meeting | श्रीलंकेतील दहशतवादी हल्ल्यातील मृतांना सर्वधर्मीय सभेत श्रद्धांजली

श्रीलंकेतील दहशतवादी हल्ल्यातील मृतांना सर्वधर्मीय सभेत श्रद्धांजली

Next

पुणे : श्रीलंकेतील आत्मघातकी बॉम्बस्फोटाच्या निषेधार्थ आणि निरपराध मृतांप्रती शोक व्यक्त करण्यासाठी आज सायंकाळी ६ वाजता  बिशप स्कुलच्या जीजीभॉय मैदानात सर्वधर्मीय निषेध आणि शोकसभा आयोजित करण्यात आली हाेती .

या निषेध सभेला पुणे प्रांताचे बिशप थॉमस डाबरे ,चर्च ऑफ नॉर्थ इंडिया चे बिशप राईट रेव्हरंड पॉल धुपारे , पं. वसंत गाडगीळ , डॉ.कुमार सप्तर्षी यांच्यासह धर्मगुरू ,सामाजिक क्षेत्रातील मान्यवर उपस्थित होते  . 

सभेचे निमंत्रक एडव्होकेट मार्कस देशमुख ,बिशप स्कुल चे प्राचार्य आणि सचिव जोएल एडविन यांनी प्रास्ताविक केले. सर्वधर्मीय प्रार्थना करण्यात आली. मेणबत्त्या प्रज्वलित करून श्रध्दांजली अर्पण करण्यात आली.

रेव्हरंड चंद्रशेखर जाधव ( मराठी मेथडिस्ट चर्च), रेव्हरंड व्ही. लुईस (डायोसी ऑफ पूना ), रेव्हरंड अनील कुमार, बौद्धाचार्य दिलीप धाईंजे ( भारतीय बौध्द महासभा ), पारशी धर्मगुरु एरवद नौशेद दस्तूर, मुस्लीम धर्मगुरू मौलाना मुफ्ती कासमी,माजी मंत्री रमेश बागवे, अन्वर राजन, प्रा.सुजाता हिवाळे, कल्पेश शिरसाट, उपस्थित होते.

' श्रीलंकेत ईस्टर संडेच्या दिवशी आनंद साजरा करायला जमले असताना दुःखाचा घाला पडला, ही दुर्देवाची गोष्ट आहे. पण, मृत्युचा विजय न होता जीवनाचा होईल. आपण सर्व श्रीलंकेतील नागरिकंाच्या  समवेत आहोत, हा संदेश सर्वत्र पोहोचवा, ' असा संदेश बिशप डाबरे यांनी दिला.

Web Title: Tribute to the death of Sri Lankan terrorists in the All-Party meeting

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.