भंगारातून बनवली विद्यार्थ्याने नवी कोरी दुचाकी

निडगी येथून भंगारातून आठ हजार रुपये देत आणलेल्या गाडीच्या सांगाड्यावर दिवस-रात्र मेहनत घेत सोमेश्वर येथीळ एका तरुणाने चक्क ३० हजार खर्च करून भंगारातून तब्बल १ लाख ५० हजारांची गाडी बनवली.

ठळक मुद्देगाडी संपूर्ण परिसरात चर्चेचा विषयगाडी बनवण्याच्या वेडापायी त्याने सोमेश्वरनगर येथील इंजिनिरिंगच्या मेकॅनिकल शाखेत प्रवेश

सोमेश्वरनगर : लहानपणापासून दुचाकीचे वेड...आपले गाडी बनवण्याचे वेड पूर्ण करण्यासाठी निडगी येथून आठ हजार रुपये देत आणलेल्या स्क्रॅब गाडीच्या सांगाड्यावर दिवस-रात्र मेहनत घेत सोमेश्वर येथीळ एका तरुणाने चक्क ३० हजार खर्च करून भंगारातून तब्बल १ लाख ५० हजारांची गाडी बनवली. रत्नसिंह गाडगे असे या तरुणाचे नाव असून त्याची गाडी संपूर्ण परिसरात चर्चेचा विषय ठरली आहे.   
 मेकॅनिकल इंजिनियरिंगच्या शेवटच्या वर्षात शिक्षण घेत असलेल्या रत्नसिंहला लहानपणापासूनच दुचाकी गाड्यांचे वेड आहे. आई-वडील दोघे प्राथमिक शिक्षक आहेत. या वेडापायी त्याने सोमेश्वरनगर येथील इंजिनिरिंगच्या मेकॅनिकल शाखेत प्रवेश घेतला. गेल्यावर्षी स्क्रॅप झालेली गाडी त्याने आणली. गाडीची स्थिती बघता सर्वांनीच त्याचा गाडी आणण्याचा निर्णय चुकीचा ठरवला. शेजारी दिलीप सोरटे यांच्या जुन्या दुकानाच्या पत्र्याच्या शेडमध्ये नवीन बाईक बनवण्याचे त्याचे काम सुरू झाले. गाडीचे नवीन भाग घेण्यासाठी स्वत:जवळचे साठवलेले पैसे कामी आले. मग हळूहळू एक एक भाग मिळवले. त्याचे मित्र सूरज जाधव व अतुल होळकर यांनी नीरा येथील अस्लम पठाण यांच्याशी संपर्क केला, त्यांनी पार्ट शोधून देण्याची तयारी दाखवली.मुंबई येथून त्यांच्या गॅरेजमध्ये साहित्य त्याने आणले. अविनाश गायकवाड यांनी गाडीचे रंगाचे काम करण्याची तयारी दर्शवली. रत्नसिंहने स्वत: गाडीचे सॉफ्टवेअरचे डिझाईन तयार केले.  गाडीच्या लिवरचे डिझाईन शेजारीच स्वप्निल गायकवाडसह त्याने राम आर्टस येथे तयार केले. गाडीचा पुढील हेडलाईट अद्याप मिळालेला नव्हता. तो वडगाव येथील प्रवीण चोरगे व महेश चोरगे या बंधूंनी शोधून दिला.२८ नोव्हेंबर २०१७ रोजी रात्री उशिरा त्यांच्याशी बोलत असताना फोनवरून त्यांनी फ्यूज पाहून तो जळाला असल्याचे पाहिले. गायकवाड यांनी त्यांच्याकडील वायर दिली आणि त्यादिवशी त्याची दुचाकी जिवंत झाली.बाकी पार्ट बसवण्यासाठी प्रवीण सोरटे यांनी होकार दिला. शोरूमचे वर्कशॉप मॅनेजर तांबवे, संदीप वाइकर, जावेद तसेच इतर सर्व स्टाफ ने मदत केली. अशा प्रकारे रत्नसिंह या विद्यार्थ्यांच्या अथक मेहनतीतून त्याचे बाईक बनविण्याचे स्वप्न पूर्ण झाले.