गिरीष बापट यांच्या प्रचारासाठी संरक्षणमंत्री पुण्यात

भाजपाचे पुण्याचे उमेदवार गिरीश बापट यांच्या प्रचारासाठी संरक्षणमंत्री निरमला सितारमण या पुण्यात येणार आहेत.

पुणे : भाजपाचे पुण्याचे उमेदवार गिरीश बापट यांच्या प्रचारासाठी संरक्षणमंत्री निरमला सितारमण या पुण्यात येणार आहेत. 10 एप्रिल राेजी त्या पुण्यात येणार असून नेहरु मेमाेरिअल हाॅल येथे त्या सभा घेणार आहेत. याबाबतची माहिती आमदार विजय काळे यांनी पत्रकार परिषदेत दिली. 

सर्वत्र प्रचाराची धामधूम सुरु असून स्टार प्रचारकांना शहरात आणण्यासाठी सर्वच पक्षांकडून तयारी सुरु आहे. येत्या 10 तारखेला संरक्षणमंत्री निर्मला सितारमण या पुण्यात येऊन गिरीश बापट यांचा प्रचार करणार आहेत. त्याचबराेबर उद्या मुख्यमंत्री देवेंद्र फडणवीस हे पुण्यात दाेन ठिकाणी सभा घेणार आहेत. या सभांमध्ये मुख्यमंत्री काय बाेलणार याकडे आता सर्वांचे लक्ष लागले आहे. काॅंग्रेस कार्यालयात माजी मुख्यमंत्री पृथ्वीराज चव्हाण यांनी पत्रकार परिषद घेत काॅंग्रेसचा जाहीरनामा प्रसारित केला. त्याचबराेबर त्यांनी राज ठाकरे घेत असलेल्या भूमिकेचे स्वागत केले परंतु याचे मतांमध्ये रुपांतर हाेणार असा प्रश्न देखील त्यांनी उपस्थित केला. 

दरम्यान दाेन्ही पक्षांकडून राष्ट्रीय पातळीवरील नेत्यांना शहरात प्रचारासाठी आणण्याचा प्रयत्न आहे. पहिल्या टप्प्यातील मतदान झाल्यानंतर दाेन्ही पक्षांचे राष्ट्रीय नेते पुण्यात येण्याची शक्यता आहे.