पीएमपीच्या ताफ्यात ८०० स्वयंचलित बस

८०० फुल्ली आॅटोमॅटिक बस दाखल होणार असून, त्यामध्ये आॅटोमॅटिक गिअर बॉक्स, सीसीटीव्ही कॅमेरे, आॅटोमॅटिक पॅसेजर काउंटिंग मशीन असेल.

पुणे : पीएमपीच्या ताफ्यामध्ये नव्याको-या ८०० फुल्ली आॅटोमॅटिक बस दाखल होणार असून, त्यामध्ये आॅटोमॅटिक गिअर बॉक्स, सीसीटीव्ही कॅमेरे, आॅटोमॅटिक पॅसेजर काउंटिंग मशीन असेल. यातील ४०० बस डिझेलवर, तर ४०० सीएनजीवर चालणाºया असतील. बसखरेदीसाठी लवकरच निविदा प्रक्रिया राबविली जाणार असल्याची माहिती अध्यक्ष व व्यवस्थापकीय संचालक तुकाराम मुंढे यांनी दिली.
सध्या पीएमपीकडे एकूण २ हजार ५५ बस आहेत. यातील १ हजार २२६ बस सीएनजीवर, तर ८०० डिझेलवर चालतात. आतापर्यंत १११ बस बाद करण्यात आल्या आहेत. यामध्ये डिझेलवर चालणाºया १०९, तर सीएनजीवरील २ बसचा समावेश आहे. आगामी काही दिवसांत २५४ बस बंद करण्यात येणार आहेत. या बस बाद झाल्यानंतर पीएमपीच्या ताफ्यात १ हजार ६९० बस शिल्लक राहणार असल्याने ८०० नवीन बस खरेदी करण्याचा निर्णय घेण्यात आला आहे. या बस ताफ्यात दाखल झाल्यानंतर बसची संख्या २ हजार ४९०वर पोहोचेल.
>सुरक्षित प्रवास
महापालिका आणि पीएमपी प्रशासनाने घेतलेल्या बसखरेदीच्या या निर्णयावर संचालक मंडळाच्या बैठकीमध्ये खरेदीसंदर्भात अंतिम निर्णय घेण्यात आला आहे. या बसमध्ये सीसीटीव्ही कॅमेरे असणार आहेत. यासोबतच आॅटोमॅटिक पॅसेंजर काउंटिंग म्हणजेच प्रवासी मोजणी मशीन असेल. या सर्व बस आॅटोमॅटिक गिअरच्या असतील. आरामदायी आणि सुरक्षित प्रवासासाठीच्या सर्व उपाययोजना या बसमध्ये केलेल्या असणार आहेत.
>आस्थापना आराखड्याला मंजुरी
पुणे महानगर परिवहन महामंडळाच्या आस्थापना आराखड्याला संचालक मंडळाच्या बुधवारी झालेल्या बैठकीत मंजुरी देण्यात आली असून, त्या आराखड्यावर ११ वर्षांपासून चर्चा सुरू होती. तब्बल ११ हजार ५०३ कर्मचारी संख्या असलेला हा आराखडा असल्याची माहिती पीएमपीचे अध्यक्ष व व्यवस्थापकीय संचालक तुकाराम मुंढे यांनी दिली.
या आस्थापना आराखड्यानुसार आता १५ हजार ५१७ ऐवजी ११ हजार ५०३ कर्मचारी संख्या असेल, असे गृहीत धरण्यात आले आहे. पदनाम संख्या आणि ग्रेड-पेमध्ये काही घट करण्यात आली आहे. तसेच जनरल विभाग, वाहतूक, कार्यशाळा आणि लेखा व वित्त असे चार विभाग करण्यात आले आहेत. सध्या सेवेत असलेल्या कोणत्याही अधिकारी व कर्मचाºयांची सेवाज्येष्ठता तसेच वेतनात कोणताही बदल होणार नसल्याचेही स्पष्ट करण्यात आले आहे. नवीन आस्थापनेच्या मान्य पदांवर नव्याने होणाºया नियुक्त्यांना नवीन अस्थापनेचे वेतन लागू असेल. सहायक महाव्यवस्थापक हे पद रद्द करून त्याऐवजी अभियान आणि प्रशासन अशी दोन महाव्यवस्थापक पदे तयार करण्यात येणार असल्याचेही मुंढे यांनी सांगितले.
पुणे आणि पिंपरी-चिंचवड शहरांच्या अनुक्रमे पीएमटी आणि पीसीएमटी या ट्रान्सपोर्ट कंपन्यांचे २००७मध्ये एकत्रीकरण करून पीएमपीएमएलची स्थापना करण्यात आली होती. या कंपनीसाठी आस्थापना आराखडा तयार करण्यात यावा, यावर स्थापनेपासूनच चर्चा सुरू होती. सेंट्रल इन्स्टिट्यूट आॅफ रोड ट्रान्सपोर्टकडून २०१३मध्ये पीएमपीला हा आराखडा तयार करून देण्यात आला होता. आवश्यक असलेले बदल न केल्याने या आराखड्याची अंमलबजावणी झाली नव्हती. मुंढे यांनी नव्याने सुधारित आराखडा तयार केला असून, त्याला संचालक मंडळाची मान्यता मिळाली आहे.