ज्येष्ठ नागरिकास ५० लाखांचा गंडा  

By लोकमत न्यूज नेटवर्क on Thu, January 04, 2018 3:24am

चांगल्या परताव्याची हमी देऊन फायनान्स कंपनीत गुंतवणुक करण्यास लावून ज्येष्ठ नागरिकास तब्बल ५० लाख रुपयांना गंडा घालण्यात आला आहे़

पुणे : चांगल्या परताव्याची हमी देऊन फायनान्स कंपनीत गुंतवणुक करण्यास लावून ज्येष्ठ नागरिकास तब्बल ५० लाख रुपयांना गंडा घालण्यात आला आहे़ याप्रकरणी शंकर महाडिक (वय ६४, रा़ कात्रज) यांनी भारती विद्यापीठ पोलिसांकडे फिर्याद दिली आहे़ पोलिसांनी किशोर मारुतीराव टमके (रा़ बालाजीनगर) आणि अप्पासाहेब शिवाजी पाटील (रा़ मांजरी बु़) यांच्याविरुद्ध गुन्हा दाखल केला आहे़ हा प्रकार १ जानेवारी २०१४ ते ३१ डिसेंबर २०१७ दरम्यान घडला़ पोलिसांनी दिलेल्या माहितीनुसार, महाडिक हे २०१४ मध्ये बँक आॅफ महाराष्ट्रमधून सेवानिवृत्त झाले आहेत. त्यांचा मुलगा व सून हे दोघे उच्चपदावर काम करतात. तर त्यांची मुलगी अमेरिकेत राहण्यास आहे. ्दरम्यान त्यांचे बालाजीनगर येथे त्यांचे मित्र रामभाऊ जाधव राहतात. किशोर टमके हा त्यांचा जावई आहे. त्यांचे कौैटुंबिक संबंध आहेत. टमकेने अप्पासाहेब पाटील याच्याशी ओळख करून दिली. ते दोघे भाग्य लक्ष्मी फायनान्स नावाने फायनान्सचा व्यवसाय करत असल्याचे त्यांना सांगितले. त्यानंतर त्यांच्या व्यवसायात चांगली वसूली होत असल्याचे महाडिक यांच्या मनावर बिंबवले. त्यांनी आलेले पैसे बँकेत गुंतविण्यापेक्षा दोघांच्या व्यवसायात गुंतविल्यास जास्त परतावा मिळेल असे अमिष दाखवले. त्यानंतर त्यांनी महाडिक यांच्याकडून २०१४ अखेरपर्यंत तब्बल ७५ लाख रुपये घेतले. या रकमेच्या वेळोवेळी पोचपावत्या मागितल्या मात्र त्या त्यांनी दिल्या नाहीत. महाडिक यांनी याबाबत त्यांच्या कुटुंबियांना काहीच सांगितले नव्हते. मात्र कुटुंबियांनी याबाबत विचारणा केल्यावर त्यांनी खरा प्रकार सांगितला. त्यानंतर २०१५ -१६ पर्यंत त्यांचा व्यवसाय चांगला चालल्याचे समजून पैसे मागितले नाहीत. मात्र कुटुंबियांनी टमके व पाटील यांना विचारणा केल्यावर त्यांचा व्यवसाय तोट्यात चालल्याचे सांगून महाडिक यांनी दिलेल्या पैश्यांपैकी केवळ मुद्दल ७५ लाख रुपयेच परत देणार असे सांगितले. त्यानंतर त्यातील पंचवीस लाखांच्या मोबदल्यात सोलापूर रोडवर असलेल्या सात एकर जमीनीचे खरेदी खत करून दिले. उर्वरित पन्नास लाख दोघे वाटून देणार आहेत. असे सांगून स्टॉम्प पेपरवर लिहून दिले आणि त्या रकमांचे धनादेशही दिले. मात्र ते वटलेच नाहीत. त्यानंतर महाडिक यांनी भारती विद्यापीठ पोलिस ठाण्यात फिर्याद दिली आहे़

संबंधित

नोटा बदलून घेण्यासाठी आलेल्या नगरसेवकासह पाच जणांना अटक
आता पोलिसांवर आली कुत्र्यांचा शोध घेण्याची वेळ
शिळे अन्न दिल्याच्या संशयाने हत्या
आईच्या प्रियकराकडून अल्पवयीन मुलीवर अत्याचार
सेनेच्या माजी मंत्र्याच्या पत्नीची नगरसेविकेला धमकी

पुणे कडून आणखी

झेंडाच्या जाण्याने हळहळले गाव
रस्ता नसल्याने नागरिकांचा संताप
कचऱ्याचे व्यवस्थापन न करणे पालिकेला महागात
मुख्यमंत्र्यांच्या प्रतिमेला घातला दुग्धाभिषेक
एकवेळ उपाशी राहा पण मुलांना शिकवा- रामराजे नाईक निंबाळकर

आणखी वाचा