पार्थ पवारांसोबत झळकले भाजपाचे आमदार लक्ष्मण जगताप आणि राजकीय चर्चांना आले उधाण 

युतीचे उमेदवार श्रीरंग बारणे आणि लक्ष्मण जगताप यांच्यातल्या संघर्षाच्या पार्श्वभूमीवर झालेल्या या भेटीला विशेष महत्त्व आहे.

ठळक मुद्देमावळची उमेदवारी शिवसेनेचे श्रीरंग बारणे यांना गेल्याने लक्ष्मण जगताप आहेत नाराज

पिंपरी-चिंचवड : मावळ लोकसभेचे राष्ट्रवादीचे उमेदवार  पार्थ अजित पवार व भाजपा शहराध्यक्ष लक्ष्मण जगताप यांची शिवजयंती निमित्त पिंपळे गुरवमध्ये हे दोन्ही नेते एकत्र आले. त्यामुळे जगताप यांचा पार्थला पाठिंबा असल्याची चर्चा सुरू झाली आहे.युतीचे उमेदवार श्रीरंग बारणे आणि लक्ष्मण जगताप यांच्यातल्या संघर्षाच्या पार्श्वभूमीवर झालेल्या या भेटीला विशेष महत्त्व आहे.

मावळ लोकसभेचे राष्ट्रवादीचे उमेदवार पार्थ पवार आज प्रचारानिमित्त पिंपरी चिंचवड शहरात आहेत. त्यात आज शिवजयंती असल्यामुळे त्यांनी शहरातील मंडळांच्या भेटी घेतल्या. पिंपळे गुरवमध्ये मंडळांच्या भेटीला ते गेले. त्याचवेळी भाजपाचे आमदार लक्ष्मण जगताप तेथे दाखल झाले. हे दोघेही एकाचवेळी आल्यामुळे उपस्थित मंडळी गोंधळात पडली. या दोघांमध्ये येथे कुठलीच राजकीय चर्चा झाली नसली तरी, हे दोघे एकत्र आल्यामुळे पुढची समिकरणे बदलण्याची शक्यता वर्तविली जात आहे. 

मावळची उमेदवारी शिवसेनेचे श्रीरंग बारणे यांना गेल्याने लक्ष्मण जगताप हे नाराज आहेत. जगताप मावळमधून तीव्र इच्छुक होते, त्यांनी शेवटपर्यंत मतदारसंघ भाजपला सोडवण्यासाठी प्रयत्न केले. तरीही युतीची उमेदवारी मिळविण्यात बारणे यांनी बाजी मारली. नाराज झालेले जगताप व त्यांचा समर्थक गट बारणे यांना मदत करणार नाही. यामध्ये आज पार्थ पवार आणि लक्ष्मण जगताप एकत्र आल्यामुळे वेगळ्याच चचेर्ला तोंड फुटले आहे.
यावेळी स्थायी समितीचे सभापती विलास मडेगिरी, शिक्षण मंडळाचे माजी सभापती चेतन भुजबळ, राष्ट्रवादीचे शहराध्यक्ष संजोग वाघेरे पाटील, नगरसेवक नाना काटे,  नगरसेवकही उपस्थित होते.