हे आहेत Forbes च्या यादीतील टॉप 10 भारतीय स्टार्स, करतात एवढी कमाई

फोर्ब्स इंडियाने 100 सर्वाधिक श्रीमंत सेलिब्रिटींची 2018 मधील यादी प्रसिद्ध केली आहे. त्यातील हे अव्वल दहा भारतीय सेलिब्रिटी.

सलमान खान - फोर्ब्सच्या यादीत सलमान खान 253.25 कोटी वार्षिक कमाईसह पहिल्या क्रमांकावर आहे. या यादीत पहिला क्रमांक पटकावण्याचे सलमानचे हे सलग तिसरे वर्ष आहे.

विराट कोहली - या यादीमध्ये भारतीय क्रिकेट संघाचा कर्णधार विराट कोहलीने दुसरे स्थान पटकावले आहे. 228.09 कोटी रुपये एवढी त्याची वार्षिक कमाई आहे.

अक्षय कुमार - बॉलीवूडमधील आघाडीचा अभिनेता अक्षय कुमार हा या यादीत तिसऱ्या स्थानी आहे. त्याची वार्षिक कमाई 185.00 कोटी रुपये एवढी आहे.

दीपिका पादुकोण - आघाडीची बॉलीवूड अभिनेत्री दीपिका पादुकोण 112.80 कोटी रुपये वार्षिक कमाईसह या क्रमवारीत चौथ्या स्थानी आहे.

महेंद्र सिंह धोनी - भारतीय क्रिकेट संघाचा माजी कर्णधार महेंद्र सिंह धोनी हा या क्रमवारीत पाचव्या स्थानी आहे. त्याची वार्षिक कमाई 101.77 कोटी रुपये एवढी आहे.

आमीर खान - 97.50 कोटी रुपयांच्या वार्षिक कमाईसह अभिनेता आमीर खान या क्रमवारीत सहाव्या स्थानावर आहे.

अमिताभ बच्चन - बॉलिवूडचे महानायक अमिताभ बच्चन हे सर्वाधिक श्रीमंत सेलिब्रिटींच्या यादीत सातव्या क्रमांकावर आहेत. त्यांची वार्षिक कमाई 96.17 एवढी आहे.

रणवीर सिंह - बॉलिवूड अभिनेता रणवीर सिंह 84.67 कोटी वार्षिक कमाईसह फोर्ब्सच्या सर्वात श्रीमंत सेलिब्रिटींच्या यादीत आठव्या क्रमांकावर आहे.

सचिन तेंडुलकर - मास्टर ब्लास्टर सचिन तेंडुलकर वार्षिक 80.00 कोटी रुपये कमाईसह या यादीत नवव्या स्थानावर आहे.

अजय देवगण - वार्षिक 74.50 कोटी रुपये कमाईसह अभिनेता अजय देवगण या क्रमवारीत दहाव्या स्थानावर आहे.