चेंबूरमध्ये झाड कोसळून आणखी एका महिलेचा दुर्दैवी मृत्यू

By ऑनलाइन लोकमत on Thu, December 07, 2017 11:55pm

चेंबूरमध्ये झाडं अंगावर कोसळून एका महिला प्रवासीचा आज सकाळी दुर्दैवी अंत झाला. चेंबूरमधील ही दुसरी घटना आहे.
चेंबूरमध्ये डायमंड गार्डन परिसरातील बस थांब्यावर आज सकाळी ११ च्या सुमारास शारदा सहदेव घोडेस्वार (वय ४५) बसची वाट पाहत होत्या. बराच वेळ बस नसल्याने त्या जवळच असलेल्या झाडाशेजारील बाकावर बसल्या.
त्याचवेळी अचानक झाड अंगावर पडून त्या जबर जखमी झाल्या. स्थानिकांनी त्यांना तातडीने शताब्दी रुग्णालयात दाखल केले. परंतु उपचारापूर्वीच त्यांचा मृत्यू झाला होता. पांजरपोळ येथे राहणा-या शारदा चेंबूर येथे घरकाम करीत होत्या. तिथल्याच ड्रिमलँड सोसायटीमध्ये घरकाम आटपून त्या बाहेर पडल्या होत्या. मात्र सोसायटीबाहेरील बस थांब्याजवळील गुलमोहरच्या झाडाने त्यांचा बळी घेतला.
याआधी जुलै महिन्यात चेंबूरमधील स्वस्तिक पार्कमध्ये मॉर्निंग वॉकला गेलेल्या कांचन नाथ या महिलेवर माडाचे झाडं कोसळून त्यांचा मृत्यू झाला होता. यामुळे धोकादायक स्थितीत उभी झाडं मुंबईकरांसाठी मृत्युचा सापळा ठरत असल्याचे पुन्हा एकदा समोर आले आहे.

संबंधित

हिंदुह्रदयसम्राट बाळासाहेब ठाकरेंची ही काही 'मार्मिक' व्यंगचित्रं
मुंबई : लोअर परळमध्ये पुन्हा अग्नितांडव ! नवरंग स्टुडिओ जळून खाक
असल्फा व्हिलेज झळाळून निघालं विविध रंगांनी
इस्त्रायलचे पंतप्रधान बेंजामिन नेतान्याहू यांचे मुंबईत मऱ्हाठमोळं स्वागत
सेन्सेक्सने ओलांडला 35 हजारांचा टप्पा

मुंबई कडून आणखी

इस्त्रायलचे पंतप्रधान बेंजामिन नेतान्याहू म्हणाले, 'जय हिंद, जय महाराष्ट्र, जय इस्रायल'
इस्त्रायलचे पंतप्रधान बेंजामिन नेतान्याहू यांचे मुंबईत मऱ्हाठमोळं स्वागत
इस्त्रायलचे पंतप्रधान बेंजामिन नेतान्याहूंचा मुंबई दौरा, कडेकोट पोलीस बंदोबस्त तैनात
सेन्सेक्सने ओलांडला 35 हजारांचा टप्पा
मुंबई काँग्रेसतर्फे “मूक प्रदर्शन” चे आयोजन

आणखी वाचा