मुंबई काँग्रेसतर्फे “मूक प्रदर्शन” चे आयोजन

मुंबई काँग्रेस अध्यक्ष संजय निरुपम यांच्या अध्यक्षतेखाली मुंबई काँग्रेसतर्फे शांततापूर्ण पद्धतीने “मूक प्रदर्शन” चे आयोजन आझाद मैदान येथे करण्यात आले होते.

न्यायमूर्ती बी एच लोया यांच्या संशयास्पद मृत्यूला जबाबदार कोण ? या संपूर्ण प्रकरणाची सखोल चौकशी करण्यात यावी, अशी मागणी यावेळी करण्यात आली.

उच्च पातळीवर हे संपूर्ण प्रकरण दडपण्यात येत आहे. तसे न होता या प्रकरणाचा उलगडा झालाच पाहिजे आणि संपूर्ण जनतेला हे कळालेच पाहिजे की त्यांची हत्या कोणी केली, असे संजय निरुपम म्हणाले.

न्यायमूर्ती बी एच लोया यांची हत्या कोणी केली ? हे सर्व जनतेला कळालेच पाहिजे. न्यायमूर्ती बी एच लोया यांच्यासारख्या व्यक्तीला या देशात न्याय मिळत नाही तर सामान्य जनतेला कसा काय न्याय मिळणार असा प्रश्न यावेळी विचारण्यात आला.