मुंबईच्या रस्त्यावर खड्डा नव्हे तर भगदाड

मुंबईच्या मालवणी येथून जाणा-या मुख्य रस्त्यावर आज अचानक मोठे भगदाड पडले.

आज दुपारी सव्वा दोनच्या सुमारास मालवणीत गेट क्रमांक एक जवळचा मुख्य रस्ता अचानक खचला.

आधीच वाहतुकीची प्रचंड कोंडी असणाऱ्या या रस्त्यावर हा खड्डा पडल्याने स्थानिकांना त्याचा प्रचंड मनःस्ताप सहन करावा लागला.

हा विभाग मुंबई महापालिकेच्या पी उत्तर विभागात मोडतो.

या रस्त्यावरून प्रवास न करण्याच्या सूचना पोलिसांकडून गाडी चालकांना दिल्या जात होत्या.

भगदाड पडल्याच्या दोन्ही बाजूने सुरक्षेच्या दृष्टीकोनातून आता बॅरिकेड लावण्यात आले.