पाकिस्तानात सात वर्षीय चिमुरडीवर बलात्कार करून निर्घृण हत्या; निषेधार्थ रस्त्यावर उतरली जनता,

पाकिस्तानच्या पंजाब प्रांतात एका सात वर्षांच्या चिमुरडीवर बलात्कार करून तीची निर्घृण हत्या करण्यात आल्याची धक्कादायक घटना उघडकीस आली

ही घटना समोर आल्यानंतर स्थानिकांनी पोलिसांविरुद्ध हिंसक आंदोलन केलं.

पाकिस्तानी वृत्तपत्र ' द डॉन' च्या वृत्तानुसार पंजाब प्रांतातील कासुर जिल्ह्यात काल पीडित मुलीवर अंत्यसंस्कार झाल्यानंतर लोक रस्त्यावर उतरले. त्यांनंतर या आंदोलनानं हिंसक वळण घेतलं आहे.

या हिंसाचारात दोन जणांचा मृत्यू तर अनेक जण जखमी झाले असल्याचे सांगण्यात येत आहे. दरम्यान, या घटनेच्या विरुद्ध इथली जनता रस्त्यावर उतरली आहे.

पीडित मुलीचे आई-वडील तिर्थयात्रेसाठी गेले असताना ही घटना घडली. आई-वडील घरी नसल्याने चिमुरडी आपल्या नातेवाईकांसोबत राहत होती. दरम्यान, पोलिसांनी या घटनेत चार संशयितांना ताब्यात घेतले आहे.

पाकिस्तानातून सर्वच स्तरावरुन विरोध केला जात आहे. सोशल मीडियावरही लोक आपला रोष व्यक्त करत आहेत