मुश्फिकर रहीमचा विक्रमी धमाका

बांगलादेशच्या मुश्फिकर रहीमने सोमवारी झिम्बाब्वेविरुद्धच्या दुसऱ्या कसोटी सामन्यात द्विशतक झळकावले. त्याने या खेळीबरोबर अनेक विक्रमांना गवसणी घातली आहे. त्याच्या द्विशतकाच्या जोरावर बांगलादेशने पहिला डाव 7 बाद 522 धावांवर घोषित केला.

रहिमने 421 चेंडूंत 18 चौकार व 1 षटकार खेचताना नाबाद 219 धावा केल्या

दोन द्विशतक करणारा पहिला यष्टिरक्षक फलंदाज, त्याने याआधी 2013 मध्ये श्रीलंकेविरुद्ध 200 धावा केल्या होत्या

सर्वाधिक वेळ (537 मिनिटं) खेळपट्टीवर तग धरणारा बांगलादेशचा फलंदाज. त्याने अनिमुल इस्लाम ( 535 मिनिटं) आणि मोहम्मद अश्रफुल ( 499 मिनिटं) यांचा विक्रम मोडला.

बांगलादेशकडून कसोटीत सर्वोत्तम वैयक्तीक खेळी रहिमच्या नावावर नोंदवली गेली आहे. याआधी शकिब अल हसनच्या ( 217 वि. न्यूझीलंड, 2017) नावावर हा विक्रम होता.