या माजी क्रिकेटपटूंची मुलं मैदानात ठरतायत लक्षवेधी

By ऑनलाइन लोकमत on Wed, March 07, 2018 5:49pm

सचिनचा मुलगा अर्जुन तेंडुलकर हा भारतीय क्रिकेटमध्ये सध्या चर्चेचा विषय ठरला आहे. 18 वर्षीय अर्जुन हा डावखुरा वेगवान गोलंदाज आहे, त्याचबरोबर तडफदार फलंदाजीसाठीही तो प्रसिद्ध आहे. ऑस्ट्रेलियातील एका सामन्यात अर्जुनने 24 चेंडूंत 48 धावांची खेळी साकारली होती. मुंबईच्या संघातून खेळताना 19 वर्षांखालील कुच बिहार क्रिकेट स्पर्धेत रेल्वेविरुद्ध पाच विकेट्स पटकावण्याची किमयाही केली होती.
राहुल द्रविडचा मुलगा समित हा त्याच्यासारखाच फलंदाज आहे. 14 वर्षांखालील शालेय क्रिकेट स्पर्धेत समितने 150 धावांची खेळी साकारली होती आणि त्यानंतर तो प्रकाशझोतात आला होता.
पाकिस्तानचे माजी फिरकीपटू उस्मान हा ऑस्ट्रेलियाकडून खेळण्यासाठी प्रयत्नशील आहे. न्यू साऊथ वेल्सकडून खेळताना उस्मानने 9 सामन्यांमध्ये 30 बळी मिळवण्याची किमया साधली होती. उस्मान पाकिस्तानच्या 19 वर्षांखालील संघातून खेळला आहे. त्यानंतर त्याने ऑस्ट्रेलियामध्ये खेळण्याची इच्छा दर्शवली होती.
ऑस्ट्रेलियाचे माजी महान कर्णधार स्टीव्ह वॉ यांचा मुलगा ऑस्टिन हा 19 वर्षांखालील विश्वचषकात खेळला होता. या स्पर्धेतील दोन सामन्यांमध्ये त्याने एकूण 32 धावा केल्या होत्या. त्याचबरोबर एक बळीही मिळवला होता. गेल्या वर्षी 17 वर्षांखालील स्थानिक स्पर्धेत ऑस्टिनने 122 धावा केल्या होत्या.
मखाया एंटिनीचा मुलगा थांडो याला फलंदाज व्हायचे होते, पण अखेर तो वेगवान गोलंदाज झाला. थांडोने तीन सामन्यांत तीन बळी मिळवले होते, त्याचबरोबर गेल्यावर्षी 4 सामन्यांमध्ये त्याने सात बळी मिळवले होते.

संबंधित

सचिन आणि कांबळी यांच्यातील मैत्री तीस वर्षांमध्ये 'अशी' बदलली
आजच्याच दिवशी सचिन ठरला होता द्विशतक ठोकणारा पहिला फलंदाज
क्रिकेटच्या देवाने भारतीय महिला क्रिकेट संघाला दिला 'विजयाचा कानमंत्र'
मास्टर ब्लास्टर सचिन तेंडुलकरचा 'स्वच्छ भारत' मोहिमेसाठी पुढाकार
जाणून घ्या 'द वॉल' द्रविड बद्दल या गोष्टी

क्रिकेट कडून आणखी

नेयमारची जादूची झप्पी...
सेल्फी टाईम...
भारतीय गोलंदाजांचे इंग्लंडमधील पाच अविस्मरणीय क्षण
भारतासाठी इंग्लंडविरुद्धचा पहिला सामना कठिण
क्रिकेटर्सच्या अंगा-खांद्यावरील टॅटूंचं चाहत्यांमध्ये आकर्षण!

आणखी वाचा