ट्रायम्फची दहावी बाईक येणार...स्पीड ट्विन तिचे नाव...

ब्रिटिश मोटारसायकल कंपनी ट्रायम्फने नुकतीच आपली बोनविले बाईकच्या श्रेणीमध्ये मॉडर्न क्लासिक रेंजमध्ये आणखी एक मोटारसायकल 2019 ट्रायम्फ स्पीड ट्विन दाखविली.

ही मोटारसायकल 1938 मध्ये लाँच झालेल्या ट्रायम्फच्या पिहिल्या समांतर ट्विन मोटारयासकलवरून बनविण्यात आली आहे. या मोटारसायकलला जानेवारीमध्ये जागतिक स्तरावर लाँच केले जाणार आहे. भारतात या बाईकची किंमत 10 लाख रुपये असेल.

ट्रायम्फच्या बेनविले श्रेणीमध्ये सध्या 9 मोटारसायकल आहेत. स्पीड ट्विन ही आता या ताफ्यातली दहावी मोटारसायकल असणार आहे.

ट्रायम्फ थ्रक्सटन/थ्रक्सटन R स्ट्रीट फायटर व्हर्जन म्हटले तर वावगे ठरू नये. कारण यामध्ये सस्पेंशन, चेसिस, पावर आणि अन्य काही बाबी थ्रक्सटनसारखीच आहेत.

या बाईकमध्ये ट्रायम्फ स्क्रॅम्बलर 1200, बोनविले बॉबर, बोनविले स्पीड मास्टर, बोनविले T120 आणि ट्रायम्फ थ्रक्सटन R या बाईकसारखेच 1200 सीसी इंजिन आहे जे 97PS आणि 112Nm ची ताकद निर्माण करते.

या बाईकमध्ये स्विचेबल ट्रॅक्शन कंट्रोल, मल्टीपल राइडिंग मोड आणि एबीएस सारखे फिचर असणार आहेत. तसेच क्विक शिफ्टर आणि नवीन इन्स्ट्रुमेंट क्लस्टर मिळण्याची शक्यता आहे.

ट्रायम्फ कंपनीने नुकतीच भारतात 5 वर्ष पूर्ण केली आहेत. नव्या वर्षात कंपनी 6 नवीन मॉडेल लाँच करणार आहे. यापैकी काही फेसलिफ्ट असतील. सध्या भारतात कंपनीचे 16 डिलर आहेत. पुढील 3-4 वर्षांत हा आकडा 25 वर नेण्यात येणार आहे.