शाहरुखने ‘टेड टॉक’च्या व्यासपीठावर सहा महिन्यांपूर्वी केलेलं भाषण पाहिलंत का?

By ऑनलाइन लोकमत on Wed, November 08, 2017 6:09pm

गेल्याच आठवड्यात ‘किंग खान’ म्हणेजच शाहरूख खान याचा ५२वा वाढदिवस साजरा झाला. त्याच्या वाढदिवसाचे फोटोग्राफ्स तुम्ही फेसबुक किंवा ट्विटरवर नक्कीच पाहिले असतील.

-   प्रज्ञा शिदोरे गेल्याच आठवड्यात ‘किंग खान’ म्हणेजच शाहरूख खान याचा ५२वा वाढदिवस साजरा झाला. त्याच्या वाढदिवसाचे फोटोग्राफ्स तुम्ही फेसबुक किंवा ट्विटरवर नक्कीच पाहिले असतील. रावन आता बावन झाला वगैरे पीजे वाचूनही आपण हसलोच. पण त्याने ‘टेड टॉक’च्या व्यासपीठावर सहा महिन्यांपूर्वी केलेलं भाषण पाहिलंत का? नसेल पाहिलं तर पाहून घ्या. माझ्या मते आपल्या आवडत्या एसआरकेचा आजपर्यंतचा हा बेस्ट परफॉर्मन्स आहे. तो त्याच्या आकर्षक, मनोरंजक भाषणातून आपल्याला खिळवून ठेवतो. आणि जाता जाता त्याला समजलेल्या आयुष्याबद्दलचं ज्ञान आपल्याला देऊन जातो. व्हिडीओची सुरुवात करताना तो आपल्याला त्याच्या लहानपणच्या दिल्लीत घेऊन जातो. त्याचं दिल्लीतलं लहानपण, त्याचे आईवडील, त्यांचा मृत्यू असं सगळं वर्णन करतो. कुठेही नाटकीपणा नाही, खोटे हावभाव नाहीत. सरळ साधा संवाद. मग, तो म्हणतो की, ‘ही मानवजात बरीचशी माझ्यासारखीच आहे !’ मग तो त्याच्या आयुष्यातली प्रत्येक पायरी आणि मानवजातीची पहिली पावलं अशी सुंदर गुंफण करतो. त्यामध्ये मग इंटरनेटनं बदललेलं जग, सार्वजनिक आणि खासगी आयुष्याच्या बदललेल्या सीमारेखा आपल्या अनुभव कथनामधून अचूक टिपतो. आणि मग तो आपल्या पन्नाशीबद्दल बोलायला लागतो. तो म्हणतो की, आपली मानवजात आत्ता अशा एका उंबरठ्यावर आहे जेव्हा तिला सगळ्यात गरज आहे ती प्रेम आणि दयाभावाची. मी स्वत: आता अनुभवातून शहाणा झालो आहे. अनेक बरेवाईट अनुभव घेतले आहेत. म्हणून आता वेळ आली आहे. अनुभवांमधून शिकण्याची ही गोष्ट आहे. मानवजातीचं भविष्य आता एका म्हातारपणाकडे झुकलेल्या सुपरस्टारसारखं असायला हवं, असं तो म्हणतो. म्हणजे नेमकं काय हे तुम्हाला हा व्हिडीओ बघूनच समजेल. या भाषणामध्ये तो काय सांगतो ते हे खरं आणि महत्त्वाचं वाटतं याचं कारण त्याची बोलण्याची शैली. कदाचित खूप खरं सांगत असल्यामुळेच ते आपल्या मनाला एवढं भिडतं. हा व्हिडीओ बघण्यासाठी टेड टॉकच्या वेबसाइटवर जाऊन शाहरूख खान असं टाइप केलं तरी लगेचच तुम्हाला तो बघायला मिळेल. किंवा ही लिंक पहा.. https://www.ted.com/talks/shah_rukh_khan_thoughts_on_humanity_fame_and_love

किंग खानबद्दल खरं तर आपल्याला ब-यापैकी माहिती आहेच. त्याचे डायलॉग्ज अनेकजण तोंडपाठ म्हणूनही दाखवतात. पण त्याच्याबद्दलची पूर्ण माहिती तुम्हाला हवी असेल तर त्याची विकिपीडिया एण्ट्री आणि आयएमडीबी या वेबसाइटवरची माहिती नक्की वाचा. इथं त्याने आजपर्यंत केलेले सर्व चित्रपट आणि इतर गोष्टींची इत्थंभूत माहिती आहे. या टेड टॉकवर टेड टॉक ब्लॉग्सवर लोकांनी भरभरून लिहिलं आहे. हा व्हिडीओ आवडला आणि तो जे बोलतो आहे ते पटलं तर या एण्ट्रीजदेखील नक्की वाचा. यापैकी ब्रायन ग्रीन नावाच्या पत्रकाराने लिहिलेला ब्लॉग खरंच कमाल आहे. तो या लिंकवर वाचा..

https://blog.ted.com/the-quest-for-love-and-compassion-shah-rukh-khan-speaks-at-ted2017/  

संबंधित

पद्मावती वादावर शांत का ? शत्रुघ्न सिन्हांचा अमिताभ बच्चन आणि नरेंद्र मोदींना सवाल
या मुलाकडे आहे १ मिलिअन डॉलर्सचं शूज् कलेक्शन
VIDEO : अन् बॉलिवूडच्या किंग खानने धरले ममता बॅनर्जींचे पाय 
इफ्फीच्या उद्घाटनाला शाहरुख खान तर समारोपाला बच्चन कुटुंबीय
मुंबईत इथे फिरा एक रुपयाही खर्च न करता

ऑक्सिजन कडून आणखी

मुलांच्या भवितव्याशी क्रूर खेळ
वर्षभराची एमओशिप आणि पुढे ?
डॉक्टर म्हणून मी नक्की कुणाचा?
एमओशिप करके देखो!
शूट इट! फोकस्ड असणं हे जगण्याच्या प्रत्येक टप्प्यात उपयोगी ठरतं...

आणखी वाचा