ऑलिम्पिक विजेत्याला नमवून भारताच्या नीरजची सुवर्ण भालाफेक !

भारताचा भालाफेकपटू नीरज चोप्रा याने आपल्या खात्यात आणखी एक सुवर्णपदकाची भर घातली. फ्रान्स येथील सोटेव्हिल अॅथलेटिक स्पर्धेत त्याने 85.17 मीटर भालाफेक करून सुवर्णपदक जिंकले.

मुंबई - भारताचा भालाफेकपटू नीरज चोप्रा याने आपल्या खात्यात आणखी एक सुवर्णपदकाची भर घातली. फ्रान्स येथील सोटेव्हिल अॅथलेटिक स्पर्धेत त्याने 85.17 मीटर भालाफेक करून सुवर्णपदक जिंकले. त्याने अॅड्रीयन मार्डाने ( 81.48 मी. ) आणि एडिस मॅटसेव्हिशियस ( 79.31 मी. ) यांना पिछाडीवर टाकले. 2012 च्या लंडन ऑलिम्पिक विजेता केशॉर वॅलकॉटला पाचव्या स्थानावर समाधान मानावे लागले. 78.26 मीटर ही त्याची सर्वोत्तम कामगिरी ठरली.

Neeraj Chopra 🇮🇳 takes the win with this 85.17m at Meeting International Sotteville Les Rouen. #trackandfield#athletics#Keihäänheitto@JustSportsTweet@ThrowsChat@TnFjunkiepic.twitter.com/hJHUEuqUzL

— Miska (@M1ZKA) July 17, 2018

नीरजने नुकत्याच पार पडलेल्या राष्ट्रकुल क्रीडा स्पर्धेत 86.47 मीटरसह सुवर्णपदक जिंकले होते आणि राष्ट्रकुल स्पर्धेत सुवर्ण जिंकणारा तो पहिला भारतीय भालाफेकपटू ठरला होता. 20 वर्षीय नीरजने 2016 मध्ये 20 वर्षांखालील जागतिक अॅथलेटिक्स अजिंक्यपद स्पर्धेत कनिष्ठ गटातील विश्वविक्रमासह एतिहासिक सुवर्ण जिंकले होते. मात्र, रिओ ऑलिम्पिकची पात्रता निश्चित करण्यात तो अपयशी ठरला होता. फ्रान्समधील या पदकाने पुढील महिन्यात होणा-या आशियाई स्पर्धेत विक्रमी कामगिरी करण्यासाठी नीरजचे मनोबल वाढले आहे. 

Well done Neeraj...keep going...Congratulations to Neeraj and  coach Uwe Hohn (former World Record Holder in javelin throw). Thank you SAI and Govt of India for agreeing to send Neeraj to Finland along with coach for training on recommendation of Athletics Federation of India https://t.co/ivbRTf6GbB

— Adille Sumariwalla OLY (@Adille1) July 17, 2018