घर देण्याच्या बहाण्याने फसवणूक

By लोकमत न्यूज नेटवर्क on Wed, November 08, 2017 2:24am

घर देण्याच्या बहाण्याने फसवणूक झाल्याची घटना खारघर येथे घडली आहे. याप्रकरणी अज्ञाताविरोधात गुन्हा दाखल करण्यात आला आहे.

नवी मुंबई : घर देण्याच्या बहाण्याने फसवणूक झाल्याची घटना खारघर येथे घडली आहे. याप्रकरणी अज्ञाताविरोधात गुन्हा दाखल करण्यात आला आहे. नेरुळ येथे राहणा-या खाजामोईनुद्दीन मुथलीफ (६१) यांच्याबाबतीत हा प्रकार घडला आहे. त्यांना चौदा लाखांत घर मिळवून देतो असे एका परिचयाच्या व्यक्तीने सांगितले होते. यानुसार मुथलीफ यांनी सदर व्यक्तीला धनादेशाद्वारे १२ लाख रुपये दिले होते, परंतु रक्कम घेवूनही त्यांना घर मिळत नव्हते. यामुळे त्यांनी सदर व्यक्तीकडे घरासाठी पाठपुरावा केला असता, त्याने सुरवातीचे काही दिवस त्यांना आश्वासन देवून बोळवण केली. मात्र पैसे देवून बराच कालावधी उलटत चालला होता. यामुळे मुथलीफ यांनी घर मिळावे यासाठी संबंधिताकडे तगादा सुरु ठेवला होता. यावेळी त्यांनी ज्याच्यासोबत व्यवहार करत आहोत त्याच्याविषयीची आवश्यक माहिती देखील मिळवलेली नव्हती. अखेर त्यांनी घराऐवजी घरासाठी दिलेली रक्कम परत मिळावी यासाठी त्याच्याकडे पाठपुरावा केला, परंतु टाळाटाळ केली. अखेर दिलेली रक्कम परत मिळवण्यासाठी संबंधिताकडे पाठपुरावा केला असता त्याने पोबारा केला आहे. यामुळे झालेल्या फसवणुकीची तक्रार खारघर पोलिसांकडे केली आहे. त्यानुसार खारघर पोलिसांत सदर व्यक्तीच्या विरोधात गुन्हा दाखल करण्यात आला असून पोलीस त्याचा शोध घेत आहेत.

संबंधित

प्रधानमंत्री आवास योजनेत ठाणे जिल्हा राज्यात पहिला, कल्याण, भिवंडी, शहापूरची कामगिरी सर्वोत्तम
बेडरुम कशी स्वच्छ ठेवाल? बेडरुम म्हणजे अडगळीची खोली नाही
निर्णय चांगला पण...
ग्रीन होम म्हणजे काय? घर बांधायचं असेल तर याचा विचार करा
नवं घर घेणार की जुनं? घर घेताना या मुद्द्यांचा जरुर विचार करा...

नवी मुंबई कडून आणखी

धनंजय माने इथेच राहतात का ? 30 वर्षानंतरही 'अशी ही बनवाबनवी'ची जादू कायम
मुख्यमंत्र्यांच्या हस्ते 'आयुष्यमान भारत' योजनेचा शुभारंभ, 83 लाख कुटुंबांना मिळणार लाभ
Happy Daughter day 2018 - लाडक्या लेकीवरील प्रेम व्यक्त करा, 'क्योंकी बेटियाँ बडी प्यारी होती है'...
Anant Chaturdashi 2018 : गणरायाला आज मुंबईकर देणार निरोप
इंधन दरवाढ सुरुच! पेट्रोल शतकापासून 10 रुपये दूर; तर डिझेलची 80 रुपयांच्या दिशेनं कूच

आणखी वाचा